Several farmers suffered losses as electric water pumps were submerged in floodwaters.
Sakal
तळेगाव ढमढेरे : शिरूर तालुक्यातील विठ्ठलवाडी - सांगवी सांडस हा कोल्हापूर पद्धतीचा बंधारा भीमा नदीला पूर आल्याने पाण्याखाली गेला आहे. सोमवारी दुपारी पुलावरून पाणी ओसंडून वाहू लागले आहे. पुरामुळे परिसरातील काही शेतकऱ्यांच्या विद्युत मोटारी पाण्यात बुडाल्या असून, काही शेतकऱ्यांनी तत्परता दाखवून आपल्या मोटारी पाण्याच्या बाहेर काढल्या आहेत. अचानक आलेल्या पुराच्या पाण्यामुळे विद्युत मोटारी पाण्यात गेल्यामुळे शेतकऱ्यांचे आर्थिक नुकसान झाले आहे.
