मंचर - 'दत्तात्रयनगर, पारगाव तर्फे अवसरी बुद्रुक (ता.आंबेगाव) येथील भीमाशंकर सहकारी साखर कारखान्याने गाळप हंगाम २०२४-२५ मध्ये ११ लाख ३८ हजार ४९६ मेट्रिक टन ऊसाचे गाळप केले आहे. गाळप केलेल्या ऊसाची एफ.आर.पी. तीन हजार ७९ रुपये १२ पैसे आहे..प्रथम अॅडव्हान्स दोन हजार ८०० रुपये प्रती मेट्रिक टन वजा जाता उर्वरित २८० रुपये प्रती मेट्रिक टनाप्रमाणे ३१ कोटी ८७ लाख ७८ हजार रुपये रक्कम सोळा हजार १११ शेतक-यांच्या बँक खात्यात सोमवारी (ता.५) वर्ग केली आहे.' अशी माहिती भीमाशंकर कारखान्याचे अध्यक्ष बाळासाहेब बेंडे यांनी मंचर येथे दिली..बेंडे म्हणाले, 'मुंबई उच्च न्यायालय व केंद्रशासनाचे निर्णयानुसार मागील हंगामाचा साखर उतारा गृहीत धरून मागील हंगामाचा ऊस तोडणी वाहतूक खर्च वजा करावयाचा आहे. महाराष्ट्र राज्याचे माजी सहकार मंत्री व कारखान्याचे संस्थापक व संचालक दिलीप वळसे पाटील यांच्या मार्गदर्शनाखाली संचालक मंडळ सभेतील निर्णयानुसार चालू हंगामाकरीता देय एफ.आर.पी. ३०७९ रुपये प्रती टन येत आहे..कारखान्याने आत्तापर्यंत कार्यक्षेत्र व परिसरातील ऊस उत्पादक शेतक-यांना नेहमीच वेळेमध्ये चांगला दर दिलेला आहे. त्यामुळे ऊस उत्पादक शेतक-यांमध्ये आनंदाचे व समाधानाचे वातावरण आहे.माळेगाव, सोमेश्वर, व्यंकटेशकृपा या करखान्यांनंतर आता भीमाशंकर कारखान्यानेही एकर कमी एफ.आर.पी.च्या सूत्रानुसार रकमा अदा केल्या आहेत. जिल्ह्यातील अन्य कारखान्याचे शेतकरीही उर्वरित एफ.आर.पी.च्या प्रतीक्षेत आहेत.'.दृष्टीक्षेपात -• हंगाम २०२४-२५ मध्ये ११ लाख ३८ हजार ४९६ मेट्रिक टन ऊसाचे गाळप.• गाळप केलेल्या ऊसाची एफ.आर.पी. तीन हजार ७९ रुपये १२ पैसे.• २८० रुपये प्रती मेट्रिक टनाप्रमाणे ३१ कोटी ८७ लाख ७८ हजार रुपये रक्कम १६ हजार १११ शेतक-यांच्या बँक खात्यात जमा..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
