रोहित्रातील ऑईल गळून रस्त्यावर पडून वाहू लागल्याने त्यालाही आग लागली.
दौंड (पुणे) : शहराच्या मुख्य बाजारपेठेतील महात्मा गांधी चौकातील महावितरणच्या रोहित्राला मोठी आग लागली होती. तीन दिवसांपूर्वीच हे रोहित्र बदलण्यात आले. सकाळी रोहित्राचा स्फोट झाल्यानंतर आग लागून ती पसरली.
रोहित्रातील ऑईल गळून रस्त्यावर पडून वाहू लागल्याने त्यालाही आग लागली. रोहित्राच्या खाली पूजेचे साहित्य विक्री करणारे, बांगडी विक्रते व पटवेकरी बसतात. या आगीत पूजेचे साहित्य भस्मसात झाले. आगीचे आणि धुराचे लोट छत्रपती शिवाजी महाराज चौकातून दिसत होते.
नगरपालिकेचे आरोग्य निरीक्षक शाहू पाटील यांनी कुरकुंभ (ता. दौंड) एमआयडीसी व दौंड शुगर प्रायव्हेट लिमिटेड यांच्या अग्निशामक विभागाशी संपर्क साधून बंब बोलविले. ऑईल असल्याने बंबातील फोमचा मारा करून आगीवर नियंत्रण आणण्यात आले. दरम्यान, दौंड नगरपालिकेचा अग्निशामक बंब दुरूस्तीसाठी पाठविल्याने आग विझविण्यास दोन तासांचा विलंब झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.