पुण्यात भाजपला धक्का; गणेश बिडकर यांचे सभागृहनेते पद रद्द | Sakal
sakal

बोलून बातमी शोधा

गणेश बीडकर

पुण्यात भाजपला धक्का; गणेश बिडकर यांचे सभागृहनेते पद रद्द

पुणे : भाजपने स्विकृत नगरसेवक गणेश बीडकर यांना देण्यात आलेले सभागृहनेते पद उच्च न्यायालयाने रद्द केले आहे. त्यामुळे महापालिकेची मुदत अवघ्या दोन आठवड्यात संपणार असताना हा भाजपला धक्का बसला आहे. दरम्यान, न्यायालयाचा लेखी आदेश आल्यानंतर याबाबत भाष्य केले जाईल असे बीडकर यांनी स्पष्ट केले. (Pune Corporation News)

गणेश बीडकर यांची महापालिकेच्या सभागृहनेते पदी निवड केल्याने याविरोधात काँग्रेसचे पुरस्कृत अक्षप नगरसेवक रविंद्र धंगेकर यांनी उच्च न्यायालयात मार्च २०२१ मध्ये याचिका दाखल केली होती. या न्यायमूर्ती ए.ए. सय्यद व एस. जी. दिघे यांच्या खंडपिठाने सप्टेंबर महिन्यात सुमारे २० तास याचिकवेर सुनावणी घेतली. तेव्हापासून याचा निर्णय प्रलंबित होता. त्यानंतर आज यावर सुनावणी झाली, अशी माहिती धंगेकर यांचे वकील कपील राठोड यांनी दिली.

हेही वाचा: लिक्वीड पाजून विवाहितेला जीवे मारण्याचा प्रयत्न; तिघांवर गुन्हा

स्विकृत नगरसेवकास सभागृहनेतेपद देता येत नाही, त्यामुळे बीडकर यांचे पद रद्द करावी आणि त्यांच्या काळात झालेले सर्व निर्णयही रद्द करावेत अशी मागणी केली होती. सुनावणीनंतर पद रद्द केल्याचा निर्णय न्यायालयाने दिला आहे. याची आॅर्डर दोन दिवसानंतर निघणार आहे, त्यानंतर बीडकर यांना यावर सर्वोच्च न्यायालयात अपील करण्यासाठी १० दिवसांची मुदत असेल, असे राठोड यांनी सांगितले. दरम्यान न्यायालयाची निकालाची प्रत आल्यानंतर प्रतिक्रिया व्यक्त करू असे बिडकर यांनी सांगितले.

Web Title: Bjp Corporator Ganesh Bidkar House Leader Cancel

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top