मंचर - मंचर (ता. आंबेगाव) येथील स्मशानभूमीत अंधश्रद्धेचा प्रकार उघडकीस आला असून, अंत्यविधी झालेल्या ठिकाणी जादूटोण्याच्या संशयास्पद वस्तू आढळून आल्याने परिसरात खळबळ उडाली आहे..मंचर, शेवाळवाडी व निघोटवाडी (ता. आंबेगाव) या तीन ग्रामपंचायतींची एकत्रित स्मशानभूमी मंचर येथे आहे. स्व. नानाभाऊ श्रीपती थोरात (वय-८५, रा. शेवाळवाडी) यांचे निधन शुक्रवारी (ता. २७) झाले. त्यांच्यावर मंचर स्मशानभूमीत अंत्यविधी करण्यात आला होता..सोमवारी (ता. ३०) सकाळी थोरात कुटुंबीय सावडण्यासाठी स्मशानभूमीत आले असता, त्यांना राखेत चाकू, लिंबू, नारळ, कोहळे, हळदी-कुंकू, टाचण्या, दाभण, गौऱ्या आदि वस्तू जळालेल्या अवस्थेत आढळून आल्या..सदर प्रकारामुळे थोरात कुटुंबीयांनी संताप व्यक्त केला असून, समाजात आजही अंधश्रद्धा टिकून असल्याचे यावरून स्पष्ट होते. स्मशानभूमीत वास्तव्य करणाऱ्या काहींनी सांगितले की, रविवारी (ता. २९) रात्री बारा वाजता दोन अज्ञात व्यक्ती दुचाकीवरून आल्या. त्यांनी गौऱ्या पेटवून त्यात विविध वस्तू टाकल्या व आवाज दिल्यानंतर सदर व्यक्ती तत्काळ पळून गेले.'.'सुमारे ३०-४० लाख रुपये खर्च करून दोन वर्षांपूर्वी उभारलेली विद्युत शवदाहिनी अद्याप सुरू झालेली नाही. ती कार्यान्वित असती. तर अशा घटना टाळता आल्या असत्या.' असे शेवाळवाडी येथील उद्योजक अमोल थोरात यांनी सांगितले..'स्मशानभूमीत संरक्षण भिंत, जाळी नसल्याने कोणीही मुक्तपणे ये-जा करतो. यावर उपाय म्हणून त्वरित संरक्षण भिंत, जाळी व सीसीटीव्ही कॅमेरे लावावेत.'- संजय थोरात, माजी जिल्हाध्यक्ष, भाजप किसान मोर्चा..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
