पुणे - खासगी वित्तीय संस्थेकडून घेतलेल्या शैक्षणिक कर्जाचा हप्ता थकल्याने बाऊन्सरने घरात घुसून मारहाण केल्याची धक्कादायक घटना वानवडी परिसरात घडली. या प्रकरणी वानवडी पोलिसांनी दोघांना अटक केली आहे.
आकाश पुरुषोत्तम सापा (वय ३२, रा. भवानी पेठ) आणि ऋषिकेश नागनाथ चंदनशिवे (वय २६, रा. जनता वसाहत, पर्वती पायथा) अशी अटक केलेल्यांची नावे आहेत. या प्रकरणी एका नामांकित खासगी वित्तीय संस्थेचा व्यवस्थापक हर्षद जिमन याच्यावरही गुन्हा दाखल करण्यात आला आहे.
पोलिसांनी दिलेल्या माहितीनुसार, वानवडीतील तक्रारदार (वय ४६) यांनी मुलीच्या शिक्षणासाठी शिवाजीनगर भागातील एका खासगी वित्तीय संस्थेकडून सात लाख ७३ हजार रुपयांचे कर्ज घेतले होते. त्यांनी नियमितपणे दरमहा १८ हजार रुपयांप्रमाणे २४ हप्ते भरले, मात्र आर्थिक अडचणीमुळे कर्जाचा एक हप्ता थकला.
त्यामुळे २५ मार्च रोजी वित्तीय संस्थेकडून तक्रारदारास फोन आला. त्यांनी शिवीगाळ करून धमकावले. त्यावर तक्रारदार यांनी स्वतः कार्यालयात जाऊन हप्ता थकण्याचे कारण सांगितले. त्यानंतर २७ मार्च रोजी सायंकाळी दोघा बाऊन्सरनी तक्रारदार यांच्या शांतीनगर वसाहतीमधील घरी जाऊन शिवीगाळ केली. त्यांनी तक्रारदारास मारहाण करून पैसे देईपर्यंत जाणार नसल्याची धमकी दिली.
याबाबत तक्रार दिल्यानंतर पोलिसांनी घटनास्थळी धाव घेतली. चौकशीदरम्यान, मारहाण करणारे बाऊन्सर हे व्यवस्थापक हर्षद जिमन यांच्या आदेशाने आल्याचे समोर आले. पोलिसांनी दोघांना अटक केली असून, व्यवस्थापकावरही गुन्हा दाखल केला आहे. परिमंडळ पाचचे पोलिस उपायुक्त डॉ. राजकुमार शिंदे यांच्या मार्गदर्शनाखाली वानवडी पोलिस पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.