esakal | पुण्यात वधूचा सिनेस्टाइल प्रवास, बोनेटवर बसून जात असलेला VIDEO VIRAL
sakal

बोलून बातमी शोधा

Marriage

आपलं लग्न जरा हटके व्हावं, असं प्रत्येक नवं विवाहित जोडप्यांला वाटतं. ते आयुष्यभर लोकांच्या आठवणीत राहावे यासाठी वेगवेगळे प्रयत्न करत असतात.

पुण्यात वधूचा सिनेस्टाइल प्रवास, बोनेटवर बसून जात असलेला VIDEO VIRAL

sakal_logo
By
जनार्दन दांडगे.

लोणी काळभोर (पुणे)- कोरोना काळात बऱ्याच जोडप्यांनी हटके पद्धतीने लग्न केलं. कुणी हवेत म्हणजेच विमानात तर, कोणी समुद्राच्या पाण्यात.. असं असलं तरी आपलं लग्न जरा हटके व्हावं, असं प्रत्येक नवं विवाहित जोडप्यांला वाटतं. ते आयुष्यभर लोकांच्या आठवणीत राहावे यासाठी वेगवेगळे प्रयत्न करत असतात.

मात्र, हे प्रयत्न करत असताना काही अतिउत्साही जोडप्यांना कायद्याच्या धाकाचाही विसर पडल्याचं पाहण्यात येत आहे. पुण्यातील दिवे घाटात देखील अशीच एक कायद्याची पायमल्ली करणारी घटना उघडकीस आली आहे. दिवे घाटातील एक व्हिडिओ सध्या सोशल मिडीयावर तुफान व्हायरल होत आहे.

हेही वाचा: सायबर क्राइम नियंत्रणासाठी पुणे पोलिसांची खास हेल्पलाईन

या व्हिडिओमध्ये पुण्यातील भोसरी परिसरात राहणारी एका नवरी मुली चक्क चारचाकी वाहनांच्या बोनेटवर बसून लग्नाचा प्रवास करत असताना दिसत आहे. नवरीने लग्नाच्या बोहल्यावर चढण्यासाठी आपल्या चारचाकी गाडीच्या बोनेटवर बसून मिरवत थेट दिवे घाटात मंगल कार्यालयाच्या दिशेने प्रवास केला आहे.

सासवड जवळील सिध्देश्वर मंगल कार्यालयात आज या नवरी मुलीचा विवाह सोहळा आयोजित करण्यात आला. मात्र, या उत्साही नवरी आणि तिच्या कुटुंबियांना चक्क कायद्याचा धाकाचा विसर पडला आहे. धोकादायक रीतीने प्रवास करणे हा कायद्याने गुन्हा आहे. आता पुणे पोलिस या नवरी मुलीवर आणि तिच्या कुटुंबियांवर कायदेशीर कारवाई करतात का याकडे सर्वांच लक्ष लागून आहे.

loading image