पुणे - ‘बर्गर किंग कॉर्पोरेशन’ देशात सुमारे ३० वर्षांपासून लोगो वापरत नव्हते. या काळात पुण्याचे ‘बर्गर किंग’ सातत्याने आपली सेवा देत होते. त्यामुळे ‘बर्गर किंग’ या व्यवसाय चिन्हाचा (लोगो) आणि नावाची कुठलीही फसवणूक न करता कायदेशीर आणि प्रामाणिकपणे वापर करत आहे,’ असा निर्वाळा देत अमेरिकेच्या ‘बर्गर किंग कॉर्पोरेशन’ने कॅम्पमधील ‘बर्गर किंग’विरोधात दाखल केलेला दावा निकाली काढला आहे.
