राजकीय नेत्यांशी संबंध असणारे अविनाश भोसले कोण आहेत? वाचा...

पुणे : येस बँक डीएचएफएल प्रकरणात सीबीआयने अविनास भोसले (Avinash Bhosele) यांना अटक केली आहे. अविनाश भोसले हे महाराष्ट्रातील काही आघाडीच्या राजकारण्यांच्या जवळचे आहेत, असे बोलले जात आहे. भोसले यांचे राष्ट्रवादी काँग्रेस व पवार कुटुंबीयांसोबत जवळचे संबंध असल्याचे बोलले जात आहे. भोसल हे काँग्रेस पक्षाचे नेते आणि मंत्री विश्वजीत कदम (Viswajit Kadam) यांचे सासरे आहे.

पुण्यातील बाणेर येथील प्रासादतुल्य निवासस्थान आणि शहरातील इतर मालमत्तांवर कारवाई करण्यात आली आहे. सीबीआयच्या या छापेमारीमुळे राजकीय आणि बांधकाम क्षेत्रात एकच खळबळ उडाली आहे. अविनाश भोसले यांची सीबीआयकडून सध्या कसून चौकशी केली जात आहे. माजी वनमंत्री पतंगराव कदम यांचे पुत्र असलेले विश्वजीत कदम (Viswajit Kadam) हे उद्योजक अविनाश भोसले यांचे जावई आहेत.

भोसले (Avinash Bhosele) हे एबीआयएल ग्रुप ऑफ कंपनीचे प्रमुख आहे. ते पुण्यातील प्रसिद्ध बांधकाम व्यावसायिक (Businessman) म्हणून ओळखले जातात. त्यांचे महाराष्ट्रातील अनेक राजकीय नेत्यांशी जवळचे संबध आहेत. येस बँक आणि डीएचएफएल बँक गैरव्यवहार प्रकरणी त्यांच्यावर कारवाई झाली. अलीकडेच रेडियस ग्रुपचे व्यवस्थापकीय संचालक संजय छाब्रिया यांना येस बँक घोटाळ्याप्रकरणी सीबीआयने अटक केली होती. त्यांच्या चौकशीत अविनाश भोसले यांचे नाव समोर आले होते.

काही वर्षांपासून येस बॅंक व डीएचएफएल प्रकरणाचा तपास

अविनाश भोसले (Avinash Bhosele) यांच्या घरावर एप्रिल महिन्यात सीबीआयने छापे घातले होते. मागील वर्षी सीबीआयने त्यांची तब्बल ४०.३४ कोटींची मालमत्ता जप्त केली होती. मागील काही वर्षांपासून येस बॅंक व डीएचएफएल प्रकरणाचा तपास सुरू आहे. भोसले यांचे घर व काही मालमत्तांवर एप्रिल महिण्याच सीबीआयने छापे टाकून काही मोठ्या प्रमाणात झाडाझडती घेतली होती. त्याचवेळी त्यांच्या मालमत्तांमधून महत्त्वाची कागदपत्रेही जप्त केली होती.