कॅन्सरच्या रुग्णांना शहरी गरीब योजनेचा आधार | Gareeb Yojana | Sakal
sakal

बोलून बातमी शोधा

Cancer Patient

कॅन्सरच्या रुग्णांना शहरी गरीब योजनेचा आधार

पुणे : आर्थिकदृष्ट्या दुर्बल नागरिकांना कॅन्सरसारख्या (Cancer Patient) दुर्धर रोगावर उपचार परवडत नाहीत. मात्र, पुणे महापालिकेची (Pune Corporation) शहरी गरीब योजनेने गरीब रूग्णांना मोठा आधार दिला आहे. गेल्या नऊ महिन्यात या योजनेतून १ हजार ८० रूग्णांना किमोथेरपीचे बील महापालिकेने दिले आहे. (Cancer Patient Gareeb Scheme)

शहरातील गरीब रूग्णांना खाजगी रूग्णालयातही इतरांप्रमाणे वैद्यकीय उपचार मिळावेत या उद्देशाने पुणे महापालिकेने २०११ पासून शहरी गरीब वैद्यकीय सहाय्य योजना सुरू केली. पहिल्या वर्षी याचे ४ हजार ६४२ जण लाभार्थी होते. आता ही संख्या १६ हजार ५६६ पर्यंत गेली आहे. या योजनेसाठी महापालिकेच्या अंदाजपत्रका ४५ कोटी रूपयांची तरतूद आहे.

हेही वाचा: AUS vs ENG : ब्रॉडचा विक्रम, Ashes मध्ये रचला नवा इतिहास

वार्षीक उत्पन्न १ लाखाच्या आत असलेल्या नागरिकांना महापालिकेच्या शहरी गरीब योजनेचा लाभ मिळतो. सर्वसामान्य उपचारासाठी एक लाखापर्यंत तर डायलेसिस व कॅन्सर, ह्रदयरोगावरील उपचारासाठी २ लाखापर्यंत महापालिकेकडून मदत केली जाते. यापूर्वी गंभीर रोगांसाठीही १ लाखाची मर्यादा होती, पण ही रक्कम अपुरी पडत असल्याने तिची मर्यादा २ लाखापर्यंत वाढवली आहे.

समाविष्ट गावात ही योजना लागू

पुणे महापालिका हद्दीत २०१७ मध्ये समाविष्ट झालेली ११ गावे आणि व सहा महिन्यापूर्वी समाविष्ट झालेली २३ गावांमधील नागरिकांनाही ही योजना लागू झाली आहे. या ३४ गावातील ३७ जणांनी योजनेचे कार्ड काढून घेतले आहेत.

हेही वाचा: मोठी बातमी! विराट कोहलीनं कसोटी कर्णधारपदही सोडलं

" शहरातील आजच्या दृष्ट्या दुर्बल असलेल्या नागरिकांना वैद्यकीय उपचारांचा खर्च परवडत नाही त्यांची ही गरज लक्षात घेऊन महापालिकेने शहरी गरीब योजना सुरू केली आत्तापर्यंत शहरातील 16 हजार पेक्षा जास्त कुटुंब या योजनेचे लाभार्थी झालेले आहेत. विशेषता डायलेसिस किमोथेरपी यासारख्या महागड्या प्रकारांसाठी या योजनेतून मदत केली जाते त्याचा नागरिकांना मोठा आधार मिळत आहे."

- डॉ. अंजली साबणे, सहाय्यक आरोग्य प्रमुख, पुणे महापालिका

आजार आणि लाभार्थी संख्या

  • डायलिसीस - ८८२

  • केमोथेरपी -१०८०

  • म्युकरमायकोसीस - २१

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune NewsCancer Patients
loading image
go to top