पुणे : काँग्रेस भवन कार्यालयाच्या तोडफोडप्रकरणी शिवाजीनगर पोलिसांनी भोर, वेल्हा व मुळशी तालुक्यातील 19 जणांना अटक केली. मंगळवारी सायंकाळी वीस ते 25 जणांनी काँग्रेस भवनमध्ये दगडफेक करीत कार्यालयाची तोडफोड केली होती. या घटनेत काँग्रेस भवन कार्यालयामधील एक कर्मचारी जखमी झाला.
याप्रकरणी सचिन अडकेर (वय 43, रा. सदाशिव पेठ) यांनी शिवाजीनगर पोलिस ठाण्यात फिर्याद दिली. त्यावरून नितीन दामगुडे, विक्रम जामदार, सुमंत शेटे, महेंद्र साळुंखे, अनिल सावंत, भूषण खोपडे, जितेंद्र कंक, गणेश बाळू मोहिते, चंद्रकांत मळेकर, बजरंग शिंदे, सिद्धार्थ कंक, अभिषेक येलगुडे, अरुण भिलार, राहुल बोरगे, ज्ञानेश्वर झोरे, महेश टापरे (सर्व रा. भोर) यांच्यासह गणेश जागडे, शिवराज शेंडकर (दोघेही रा. वेल्हे) व राहुल जाधव (रा. मुळशी) यांच्याविरुद्ध गुन्हा दाखल करण्यात आला. या घटनेमध्ये भवनातील कर्मचारी फुलगावकर मामा जखमी झाले होते.
ताज्या बातम्यांसाठी डाऊनलोड करा ई-सकाळचे ऍप
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.