सीईटी परीक्षांचे वेळापत्रक जाहीर

पुणे - राज्य सामाईक प्रवेश परीक्षा कक्षातर्फे (सीईटी सेल) २०२०-२१ या शैक्षणिक वर्षासाठी विविध अभ्यासक्रमांच्या प्रवेश परीक्षांचे वेळापत्रक जाहीर करण्यात आले आहे. यामध्ये तंत्रशिक्षण, उच्चशिक्षण, वैद्यकीय आणि ललित कला आर्ट या अभ्यासक्रमांच्या १८ परीक्षांचा समावेश आहे. 

ताज्या बातम्यांसाठी डाऊनलोड करा ई-सकाळचे ऍप

तंत्रशिक्षण विभागात अभियांत्रिकी/ तंत्रज्ञान (बीई/ बीटेक), औषधनिर्माण, कृषी संबंधित अभ्यासक्रम, दुग्धशाळा तंत्रज्ञान, मत्स्यविज्ञान या पदवी अभ्यासक्रमांची प्रवेश परीक्षा येत्या १३ ते १७ एप्रिल आणि २० ते २३ एप्रिल २०२० या कालावधीत होणार आहे. एमबीए आणि एमएमएस पदव्युत्तर अभ्यासक्रमासाठी १४ आणि १५ मार्च, मास्टर इन कॉम्प्युटर ॲप्लिकेशन (एमसीए) २८ मार्च, मास्टर इन आर्किटेक्‍टर १० मे, हॉटेल मॅनेजमेंट (पदवी) १० मे आणि हॉटेल मॅनेजमेंटची (पदव्युत्तर) प्रवेश परीक्षा १६ मे रोजी होणार आहे.

पुणे : ट्रॅक्‍टरची ट्रॉली अंगावर पडून चालकाचा मृत्यू

उच्च शिक्षण विभागांतर्गत एलएलबीसाठी (पदवी - ५ वर्ष) प्रवेश परीक्षा १२ एप्रिल, एलएलबी (पदवी ३ वर्ष) २८ जून, शारीरिक शिक्षण (बी.पी.एड. पदवी) ११ मे आणि मैदानावरील चाचणी १२ व १३ मे, बीएड आणि एमएड (इंटिग्रेटेड ३ वर्ष) १२ मे, शारीरिक शिक्षण (एमएड पदव्युत्तर) १४ मे आणि मैदानावरील चाचणी १५ आणि १६ मे, बीए/बीएस्सी बीएड (इंटिग्रेटेड ४ वर्ष) २० मे, मास्टर इन एज्युकेशन (एमएड) २६ मे आणि बॅचलर ऑफ एज्युकेशनसाठी (जनरल अँड स्पेशल) १३ जून आणि १४ जून रोजी प्रवेश परीक्षा होणार आहे. 

वैद्यकीय शिक्षणामध्ये मास्टर ऑफ फिजिओथेरपी, ॲक्‍युपेशनल थेरपी, ऑडिओ स्पीच लॅंग्वेज पॉथोलॉजी, प्रोस्थेटिक्‍स अँड ऑथ्रोटिक्‍ससाठी येत्या जुलै- ऑगस्ट प्रवेश परीक्षा होणार आहे. ललित कला (फाईन आर्ट) पदवी अभ्यासक्रमासाठी १० मे रोजी प्रॅक्‍टिकल आणि ११ मे रोजी ऑनलाइन परीक्षा होणार आहे. 

या ठिकाणी पाहा वेळापत्रक
‘सीईटी’ सेलतर्फे या प्रवेश परीक्षांचे अंदाजित वेळापत्रक आणि परीक्षेसंदर्भातील सूचना, माहिती पुस्तिका, प्रवेश अर्ज, प्रवेश नियम, शासन निर्णय आदींबाबतची माहिती जाहीर करण्यात आली आहे. www.mahacet.org  या संकेतस्थळावर ती प्रसिद्ध केली असल्याचे संदीप कदम यांनी सांगितले.