पुणे : शहरात पीएमपी बसमध्ये चढताना गर्दीचा फायदा घेत चोरट्यांनी दोन महिलांच्या गळ्यातील एक लाख ३० हजार रुपयांचे सोन्याचे दागिने चोरी केल्याच्या घटना घडल्या. .पिंपळे सौदागरमधील ६५ वर्षीय ज्येष्ठ महिला शुक्रवारी सायंकाळी महापालिका भवनाजवळ पीएमपी बसमध्ये चढत होती. त्यावेळी गर्दीचा फायदा घेत चोरट्यांनी महिलेच्या गळ्यातील ८० हजार रुपयांचे सोन्याचे मंगळसूत्र लांबविले. या प्रकरणी महिलेने शिवाजीनगर पोलिस ठाण्यात फिर्याद दिली आहे..याच दिवशी सकाळी अकराच्या सुमारास वाकडेवाडी येथील पीएमपी थांब्यावर अशीच घटना घडली. रेंजहिल्स भागात राहणाऱ्या एका महिलेच्या गळ्यातील ५० हजार रुपयांचे सोन्याचे मंगळसूत्र चोरट्यांनी हिसकावले. या प्रकरणी खडकी पोलिस ठाण्यात गुन्हा दाखल करण्यात आला आहे..ज्येष्ठ महिलेचे मंगळसूत्र हिसकावलेचंदननगरमधील एका ज्येष्ठ महिलेचे एक लाख २० हजार रुपये किमतीचे मंगळसूत्र दुचाकीस्वार चोरट्यांनी हिसकावून नेले. ही घटना चंदननगर परिसरातील साई नगरमध्ये शनिवारी (ता. १३) सायंकाळी घडली..तक्रारदार ज्येष्ठ महिला (वय ६५, रा. आकाश कॅम्प, चंदननगर) सायंकाळी साडेसहाच्या सुमारास फेरफटका मारण्यासाठी बाहेर पडली होती. त्यावेळी दुचाकीवर आलेल्या चोरट्यांनी महिलेच्या गळ्यातील मंगळसूत्र हिसकावून ते पसार झाले. या प्रकरणी ज्येष्ठ महिलेने चंदननगर पोलिसांत फिर्याद दिली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
