Chandni Chowk Inauguration: "नेता असावा तर नितीन गडकरींसारखा, सर्व सोंग करता येतात पण..."; अजित पवारांनी केले कौतुक

Chandni Chowk Inauguration: वाहतूक कोंडी सोडवण्यासाठी बांधण्यात आलेल्या चांदणी चौकातील उड्डाणपूलाचे आज उद्घाटन झाले. या पुलाचे उद्घाटन केंद्रीय महामार्ग मंत्री नितीन गडकरी यांच्या हस्ते पार पडले. यावेळी उपमुख्यमंत्री देवेंद्र फडणवीस आणि अजित पवार उपस्थित होते. यावेळी अजित पवार यांनी नितीन गडकरींचे कौतुक केले.

अजित पवार म्हणाले, या पूलासाठी सर्वांनी पाठपुरवठा केला. अनेक शहरांमध्ये रिंग रोड झाले. त्यासाठी नितीन गडकरी यांनी जबाबदारी घेतली. चांदणी चौक जिव्हाळ्याचा आहे. यासाठी खूप अडचणी आल्या मात्र नगरसेवक, आमदार, माजी आमदार, अधिकारी सर्वांनी या पूलासाठी पाठपुवठा केला आणि मार्ग काढण्याचा मार्ग केला.

सर्व सोंग करता येतात पण पैशाचे सोंग करता येत नाही. नितीन गडकरी यांनी पैशाची कमी पडू दिले नाही. दिलदारपणे त्यांनी अडचणी सोडवल्या. त्यामुळे हा प्रश्न मार्गी लागला, नेता असावा तर नितीन गडकरींसारखा, असे अजित पवार म्हणाले. Chandni Chowk Inauguration

अजित पवार म्हणाले मी पालकमंत्री असताना अनेक न्यायालयीन अडथळे आले. मात्र हे सर्व अडथळे पार पाडले. अनेक बैठका घेतल्या. जुना पूल पाडण्याचे यशस्वी नियोजन केले.

अनेक कामे करायची आहेत. कार्यक्रमाला येताना माझी बैठक झाली. मेट्रो मार्गात येणाऱ्या अडचणी दूर करणार आहोत. मुख्यमंत्री एकनाथ शिंदे आज यायला पाहिजे होते कारण त्यांनी ट्रॅफिकमध्ये अडकल्यानंतर लगेच आढावा बैठक घेतली होती. म्हणजे चांदणी चौकाने कुणालाच सोडलं नाही, असे अजित पवार म्हणाले.