बनावट देणगी संकलकांपासून सावध रहा : धर्मादाय आयुक्तांचे आवाहन

पुणे : लाॅकडाऊनची प्रभावीपणे अंमलबजावणी करताना कोरोना बाधित रुग्णांना आवश्यक औषधोपचार व वैद्यकीय सुविधा तातडीने पुरवण्याचे मोठे आव्हान सरकारसमोर आहे.

- बातम्या ऐकण्यासाठी डाऊनलोड करा ई-सकाळचे ऍप

यासाठी देशपातळीवर पंतप्रधान सहाय्यता कोष व राज्य पातळीवर मुख्यमंत्री सहाय्यता निधी स्थापन केले आहेत. या देणग्या सर्व  देणगीदारांनी अधिकृत
https://cmrf.maharashtra.gov.in/DonationOnlineForm.actionसंकेतस्थळावर ऑनलाइन पद्धतीने जमा कराव्यात किंवा तहसीलदार किंवा जिल्हाधिकारी कार्यालयात जमा कराव्यात. 

पुणेकरांनो चिंता करू नका; शहराला पुरेल इतका भाजीपाला उपलब्ध

या मदत निधीच्या नावाने अशा देणग्या गोळा करण्यासाठी कोणत्याही व्यक्तीस किंवा अनोंदणीकृत संस्थेस परवानगी नाही. ट्रस्ट कायद्याचे कलम ४१-क अन्वये धर्मादाय आयुक्तांची लेखी परवानगी असल्याशिवाय कोणासही या शासकीय मदत निधीच्या नावाने देणग्या गोळा करण्यास परवानगी नाही. ज्यांना अशी परवानगी मिळाली असेल त्यांना तो परवानगी क्रमांक व कालावधी छापील पावत्यांवर नमूद करणे आवश्यक आहे.

विनापरवाना पैसे गोळा करण्यामुळे सामान्य नागरिकांची फसवणूक होण्याची दाट शक्यता आहे. अशाप्रकारे कोणीही बेकायदेशीरपणे पैसे गोळा करत असेल तर त्याच्यावर कायद्यानुसार कारवाई करण्याचा इशारा धर्मादाय आयुक्त राजेश जोशी यांनी दिला आहे.

नागरिकांची फसवणूक होऊ नये म्हणून सर्व विभागीय व जिल्हानिहाय धर्मादाय कार्यालयातील अधिकाऱ्यांना विनापरवाना देणग्या गोळा करणाऱ्यांची चौकशी करून फसवणुकीचा प्रकार आढळल्यास त्यांचेविरुद्ध कारवाई करण्याचे निर्देश देण्यात आले आहेत.