बेंबळेच्या प्रोग्रेसिव्ह मध्ये छत्रपती संभाजी महाराजांचा राज्याभिषेक सोहळा उत्साहात

PPN26B01132
बेंबळे ः येथील प्रोग्रेसिव्ह इंग्लिश मीडियम स्कूलच्या प्रांगणात छत्रपती संभाजी महाराजांच्या राज्याभिषेक सोहळा दिनानिमित्त प्रतिमेचे पूजन करताना उपस्थित मान्यवर.

प्रोग्रेसिव्ह इंग्लिश स्कूलमध्ये राज्याभिषेक दिन साजरा
पिंपळनेर ः बेंबळे (ता. माढा) येथील प्रोग्रेसिव्ह इंग्लिश मीडियम स्कूलच्या वतीने स्वराज्यरक्षक छत्रपती संभाजी महाराज यांचा ३४६ वा राज्याभिषेक दिन सोहळा उत्साहात साजरा करण्यात आला. संस्थापक अध्यक्ष पोपट तात्या अनपट, सचिव बी. बी. इंगळे उपस्थित होते. याप्रारंभी स्वराज्यरक्षक छत्रपती संभाजी महाराज यांच्या प्रतिमेचे पूजन मान्यवरांच्या हस्ते करण्यात आले‌. यावेळी प्राचार्य समीर तांबोळी यांनी छत्रपती शंभूराजांचे खरे चरित्र विद्यार्थ्यांनी आत्मसात करण्याचे आवाहन केले. बेबी इंगळे यांनी शंभू चरित्रातील आग्रा भेट व त्यातील शंभू राजांचा सर्वधर्मसमभाव हा प्रसंग विद्यार्थ्यांच्या मनावर आधारित केला. यावेळी विद्यार्थिनींनी ज्ञानेश्वरी कवडे, रेणुका तावरे, अनपट मॅडम यांनी मनोगतातून पहाडी आवाजात शंभू चरित्र विद्यार्थ्यांच्या डोळ्यासमोर उभे केले. कार्यक्रम यशस्वितेसाठी सर्व शिक्षक शिक्षकेतर कर्मचाऱ्यांनी परिश्रम घेतले.