पिंपरी : महिलेच्या प्रसंगावधानामुळे थेरगाव येथील एका चिमुरड्याच्या अपहरणाचा एका इसमाचा प्रयत्न फसला. सोमवारी सकाळी हा प्रकार घडला. ऋषी असे त्या अडीच वर्षीय मुलाचे नाव आहे.
त्याचे असे झाले की, पुरामध्ये घराचे नुकसान झाल्याने ऋषीची आई त्याला घेऊन कोल्हापूरहून थेरगावमधील आपल्या नातेवाइकांकडे रहायला आली आहे. सोमवारी सकाळी ऋषी खेळत खेळत घराबाहेरील रस्त्यावरून पुढे चालत गेला. आपण बरेच पुढे आल्याचे लक्षात आल्यानंतर तो रडू लागला. त्याचवेळी तेथे आलेल्या एका इसमाने हा आपलाच मुलगा असल्याचे सांगितले. मात्र, संशय आल्याने तेथे उपस्थित असलेल्या एका महिलेने त्याला पुराव्याची कागदपत्रे पोलिस ठाण्यात घेऊन ये, असे सांगितले. कागदपत्रे घेऊन येतो, असे सांगून गेलेला इसम पुन्हा आलाच नाही. त्यामुळे त्याचा अपहरण करण्याचा प्रयत्न असल्याचे निदर्शनास आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.