राईड दिली नाही म्हणून दिले सिगारेटचे चटके

पुणे - दुचाकीची राईड न दिल्याने 19 वर्षांच्या मुलाच्या कपाळावर सिगारेटचे चटके दिल्याचा प्रकार वडगाव बुद्रूक परिसरात घडला आहे. या प्रकरणी सिंहगड रोड पोलिसांनी गुन्हा दाखल करून दोघांना अटक केली आहे.

पेट्रोल संपले की दुचाकी सोडून द्यायचा; पोलिसांनी चोरट्याकडून १० गाड्या केल्या जप्त

योगेश देविदास कांबळे (वय 23) आणि आश्‍विन भोसले (रा. हिंगणे खुर्द) अशी अटक केलेल्यांची नावे आहेत. याबाबत सुहास अभिमन्यू वाघमारे (वय 19, रा. वडगाव बुद्रूक) यांनी तक्रार दिली आहे. वडगाव बुद्रूक येथील रोकडोबा मंदिराजवळ शुक्रवारी (ता.1) सकाळी दहाच्या सुमारास ही घटना घडली. पोलिसांनी दिलेल्या माहितीनुसार, आरोपी हे अभ्यिमन्यू यांच्या ओळखीचे आहेत. घटनेच्या वेळी अभिमन्यू व त्यांचा मित्र योगेश निर्मळ हे स्पोर्ट बाईकवरून जात होते. त्यांना रोकडोबा मंदिराजवळ आरोपींनी आवाज देऊन बोलावून घेतले. त्याच्याजवळ असलेल्या बाईकची एक राईड मागितली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पण, अभिमन्यू यांनी राईड देण्यास नकार दिला. त्याचा कांबळे याला राग आला. त्याने अभिमन्यू यांना पकडले. त्यानंतर दोन्ही आरोपींनी अभिमन्यू यांच्या कपाळावर सिगारेटचे चटके दिले. त्यानंतर दोघे तेथून निघून आले. या बाबत अभिमन्यू सिंहगड रोड पोलिसांकडे तक्रार दिली. त्यानुसार गुन्हा दाखल केला. आरोपीचा माग काढत असताना कांबळे व भोसले या दोघांना अटक केली. आरोपी हे भाजी विक्रीचे काम करतात. कांबळे हा पोलिसांच्या रेकॉर्डवरील आरोपी आहे. त्याच्यावर खून व खुनाच्या प्रयत्नाचा गुन्हा दाखल आहे. या गुन्ह्याच्या पुढील तपास पोलिस उपनिरीक्षक अंकुश कर्चे करीत आहेत.

Edited By - Prashant Patil