भोर (पुणे) : भोर शहरातील बंद केलेले अंतर्गत रस्ते, खेड्यांमधून खरेदीसाठी आलेल्या शेतकयांच्या मोटारी व दुचाकी आणि दुकानांमध्ये असलेली ग्राहकांची गर्दी, यामुळे भोर शहरात अनेक वेळा वाहतुकीचा खोळंबा झाला.
लॉकड़ाउनमुळे भोरमधील रामनवमीचा उत्सव रद्द करण्यात आला, मात्र रामनवमीच्या दिवसाच्या गर्दीची आठवण भोरवासीयांना मंगळवारी (ता. २) आली. खरेदीदार नागरिकांना दुकानदारांना आणि कामगारांना सोशल डिस्टन्सिंगचा पूर्ण विसर पडल्याचे जाणवले.
भोर तालुक्यातील शेतक-यांना पावसाळ्यापूर्वीची शेतीच्या मशागतीची आणि घरांची कामे करावयाची असल्यामुळे प्लॅस्टीकचे कागद, बी- बियाणे, खते, शेतीची अवजारे खरेदी करणे आणि त्यासाठी बँकांतून पैसे काढणे, आदी कामासांठी भोर शहरात सकाळपासून गर्दी झाली. एसटी स्टँड ते राजवाडा चौक, बजरंग आळी ते पोलिस ठाणे, चौपाटी आणि वेताळ पेठ रस्ता आदी मार्गावर वाहने वेड्यावाकड्या पद्धतीने उभ्या केल्यामुळे कित्येक तास या रस्त्यांवर वाहतुकीची कोंडी होती.
खतांची दुकाने, प्लॅस्टीकचे कागद, हार्डवेअरची दुकाने, किराना मालाची दुकाने आणि बँकांमध्ये खूप गर्दी होती. याशिवाय मद्यविक्रीच्या दुकानांसमोर तर उभे राहण्यासही जागा नव्हती. शहरातील अंतर्गत रस्ते बंद असल्यामुळे मुख्य रस्त्यांवर गर्दी झाली. त्यात गाड्या पार्किंग करण्यासाठी योग्य ती खबरदारी न घेतल्याची भर पडली. नगरपालिका आणि पोलिस प्रशासनाने योग्य ती खबरदारी न घेतल्यामुळे वाहतुकीचा खोळंबा झाल्याचा आरोप नागरिकांनी केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.