पुणे - महाराष्ट्र राज्य शैक्षणिक संशोधन व प्रशिक्षण परिषदेमार्फत (एससीईआरटी) घेतल्या जाणाऱ्या ‘पायाभूत चाचणी परीक्षा-दोन’ (पॅट) या परीक्षेची इयत्ता नववीची प्रश्नपत्रिका फुटल्याचा धक्कादायक प्रकार उघडकीस आला.
या प्रश्नपत्रिकेसह, ही प्रश्नपत्रिका सोडवायची कशी?, याबाबतचा व्हिडिओ एक युट्युब चॅनेलवर दाखविण्यात आला. याद्वारे ही प्रश्नपत्रिका फुटल्याचे समोर आले. या प्रकरणी संबंधित युट्युब चॅनल आणि युट्युब चालकाविरोधात पुणे पोलिसांकडे परिषदेमार्फत तक्रार दाखल करण्यात आली आहे.
राज्यातील सर्व शाळांमधील इयत्ता पहिली ते नववीच्या विद्यार्थ्यांच्या वार्षिक परीक्षा आणि पेट परीक्षा एससीईआरटीने जाहीर केलेल्या वेळापत्रकानुसारच घेण्यात यावी, असा आदेश शाळांना देण्यात आला आहे. या अंतर्गत परिषदेच्या ‘राज्यातील शिक्षण पद्धतीतील अध्यापन, अध्ययन व परिणाम यांचे बळकटीकरण’ (स्टार्स) या प्रकल्पांतर्गत ‘संकलित मूल्यमापन दोन’ इयत्ता नववीची मराठी प्रथम भाषा ही परीक्षा मंगळवारी (ता.८) होणार आहे.
दरम्यान, या परीक्षेची प्रश्नपत्रिका फुटली असला तरीही सर्व शाळांमध्ये नियोजित वेळापत्रकाप्रमाणेच ही परीक्षा होणार असल्याचे राज्य शैक्षणिक संशोधन व प्रशिक्षण परिषदेचे संचालक राहुल रेखावार यांनी स्पष्ट केले.
संबंधित युट्युब चॅनलवर इयत्ता नववीचा मराठी विषयाच्या पॅट परीक्षेची प्रश्नपत्रिका कशी सोडवावी, असा व्हिडिओ दोन दिवसांपूर्वीच अपलोड करण्यात आला. त्यावर पायाभूत चाचणी क्रमांक दोन -२०२५ असा स्पष्ट उल्लेख आहे. याशिवाय मराठी विषयाच्या प्रत्येक प्रश्नाचे उत्तर काय, ते कसे लिहावे, हे यात सांगण्यात आले आहे. मात्र याबाबत आता परिषदेने कडक पावले उचलली आहेत.
‘इयत्ता नववीची पॅट परीक्षेची प्रश्नपत्रिका आणि प्रश्नपत्रिका सोडविणे, याबाबतचा व्हिडिओ ‘यु-ट्यूब’वर प्रसिद्ध झाला असल्याचे निदर्शनास आले. या यु-ट्यूब चॅनल विरोधात पोलिसांकडे तक्रार दाखल करण्यात आली आहे. दरम्यान, नियोजित वेळापत्रकाप्रमाणे ही परीक्षा होणार आहे,’
- राहुल रेखावार, संचालक, राज्य शैक्षणिक व संशोधन प्रशिक्षण परिषद
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.