पुणे - सीओईपी तंत्रज्ञान विद्यापीठातील पदवी अभ्यासक्रमाच्या प्रवेशाच्या जागांमध्ये आता दुप्पट वाढ होण्याची चिन्हे आहेत. विद्यापीठाने शैक्षणिक वर्ष २०२५-२६मध्ये सिव्हिल इंजिनिअरिंग, कॉम्प्युटर सायन्स ॲण्ड इंजिनिअरिंग, इलेक्ट्रिकल इंजिनिअरिंग आणि इन्स्ट्रुमेंटेशन ॲण्ड कंट्रोल इंजिनिअरिंग या विद्याशाखांमधील पदवी अभ्यासक्रमाच्या जागांमध्ये वाढ करण्याचा प्रस्ताव अखिल भारतीय तंत्र शिक्षण परिषदेकडे (एआयसीटीई) पाठविला आहे. लवकरच या वाढीव जागांना मान्यता देण्यात येईल, अशी माहिती सीओईपी तंत्रज्ञान विद्यापीठाच्या नियामक मंडळाचे अध्यक्ष विनायक पै यांनी दिली.