पुण्यात जिल्हाधिकार्यालयात काँग्रेस-ओबीसी आंदोलक एकमेकांत भिडले

पुणे : पुण्यातील जिल्हाधिकारी कार्यालयात काँग्रेस आणि ओबीसी कार्यकर्ते (OBC Reservation ) एकमेकांत भिडल्याचा प्रकार समोर आला आहे. जिल्हाधिकार्यालयात मंगळवारी ओबीसी आरक्षणाच्या मागणीसाठी काँग्रेसतर्फे आंदोलनाचे आयोजन करण्यात आले होते. त्यानंतर काँग्रेस आणि ओबीसी समाजातील कार्यकर्ते आणि काँग्रेसचे कार्यकर्ते एकमेकांमध्ये भिडले. एवढेच नव्हे तर, आंदोलनादरम्यान, ओबीसी कार्यकर्त्या मृणाल ढोले पाटील यांनी काँग्रेसचे मंत्री विजय वड्डेटीवार यांच्याविरोधात घोषणाबाजी केली. त्यामुळे काहीसे गोंधळाचे वातावरण निर्माण झाले होते. (Congress Protest For OBC Reservation In Pune)

ओबीसी आरक्षणासाठी काँग्रेसतर्फे जिल्हाधिकार्यालयात (Collector Office Pune) आंदोलनाचे आयोजन करण्यात आले होते. आंदोलन सुरू असताना ओबीसी कार्यकर्ते मृणाल ढोले पाटील यांनी काँग्रेस मंत्री विजय वड्डेटीवार यांच्याविरोधात केली घोषणाबाजी करत काळा झेंडा दाखवत निषेध व्यक्त केला. त्यानंतर काँग्रेस कार्यकर्ते आणि ढोले पाटील यांच्यात धक्काबुकी झाली. ढोले पाटील या ओबीसींना आरक्षण मिळावे म्हणून लढा देत आहेत. मात्र, ओबीसींच्या आरक्षणासाठी काँग्रेसनेच आयोजित केलेल्या आंदोलनात विजय वड्डेटीवार यांच्या नावाने घोषणाबाजी आणि काळे झेंडे दाखवत निषेध व्यक्त करण्यात आल्यामुळे आश्चर्य व्यक्त केले जात आहे.