कोरोनाचा संसर्ग तरुणाईला सर्वाधिक

पुणे - कामानिमित्त घराबाहेर पडणाऱ्या ३१ ते ४० वयोगटाला पुण्यात कोरोनाचा सर्वाधिक संसर्ग झाला. सप्टेंबरनंतर कोरोनाच्या रुग्णांची संख्या कमी होत असली, तरीही कोरोनापासून स्वतःचे संरक्षण करण्यासाठी सॅनिटायझर, मास्क आणि सोशल डिस्टन्सिंग हीच त्रिसूत्री प्रभावी असल्याचा विश्‍वास वैद्यकीय तज्ज्ञांनी व्यक्त केला. 

'भारत बंद'मध्ये पुण्यात काय सुरू राहणार? काय राहणार बंद?​

पुण्यात राज्यातील पहिला कोरोनाचा रुग्ण ९ मार्चला आढळला. ९ मार्च ते ६ डिसेंबर या दरम्यान एकट्या पुण्यात कोरोनाच्या एक लाख ७२ हजार ७८ रुग्णांची नोंद महापालिकेत झाली. त्यापैकी नोव्हेंबरपर्यंत झालेल्या एक लाख ६५ हजार ३९३ रुग्णांचे वयनिहाय विश्‍लेषण महापालिकेच्या आरोग्य विभागाने केले आहे. त्यातून उत्पादनक्षम वयोगटात कोरोनाचा सर्वाधिक संसर्ग झाला. पुण्यातील २२ टक्के (३७ हजार ३६) संसर्ग ३१ ते ४० वयोगटातील तरुणांना  झाला. मार्चपासून नोव्हेंबरपर्यंत प्रत्येक महिन्यात सर्वाधिक रुग्ण याच वयोगटात आढळले आहेत. मात्र, सप्टेंबरपर्यंत दर महिन्याला रुग्णांची संख्या सातत्याने वाढत होती. एप्रिलमध्ये एक हजार २७९ पैकी २७२ रुग्ण या वयोगटातील होते. सप्टेंबरमध्ये ५१ हजार ५१५ होती. त्यात तरुण रुग्णांचे प्रमाण ११ हजार ८१३ असल्याची माहिती पुढे आली आहे. गेल्या दोन महिन्यांमध्ये पुण्यातील कोरोनाबाधितांची संख्या सातत्याने कमी होत असल्याचे निरीक्षण आहे. 

संभाजी ब्रिगेड केंद्र सरकारविरोधात मैदानात; 'शेतकरीविरोधी कृषी विधेयक रद्द करा!'​

मुले, ज्येष्ठांचे प्रमाण कमी
पुण्यात कोरोनाचा सर्वांत कमी संसर्ग वय वर्षे २० पर्यंत आणि वयाची साठी ओलांडलेल्यांना झाला आहे. या दोन्ही वयोगटांत घराबाहेर पडणाऱ्यांची संख्या आजही कमी आहे.  

शंभरीवरील तिघांना संसर्ग
शंभरी ओलांडलेल्या तीन जणांचा कोरोनाची बाधा झाली. त्यात एक रुग्ण १०१ त ११० वयोगटातील होते. तर, दोन रुग्ण १११ ते १२० वर्षे वयोगट होते.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

पुण्यात तरुणांना कोरोनाचा संसर्ग झाल्याचे प्रमाण सर्वाधिक आहे. त्या तुलनेत ज्येष्ठ नागरिक आणि लहान मुलांमध्ये संसर्गाचे प्रमाण कमी दिसते.  
- डॉ. संजीव वावरे, सहायक आरोग्यप्रमुख, पुणे महापालिका