जेजुरीत आढळला कोरोनाचा रुग्ण 

सासवड (पुणे) : कोरोनामुक्त पुरंदर तालुक्यामध्ये अखेर कोरोना पॉझिटिव्ह रुग्ण जेजुरी शहरात सापडला. महाराष्ट्राचे कुलदैवत खंडोबा देवस्थानच्या डायलेसिस सेंटरमधील २३ वर्षीय टेक्निशियन असलेल्या कर्मचाऱ्यास कोरोनाची बाधा झाल्याचे प्रशासनास मध्यरात्री समजले.

या रुग्णाला अन्यत्र हलविण्यात आले असून, आज शहर सील करत रुग्णाच्याजवळचे २० जण विलगीकरण कक्षात ठेवले. आणखी संसर्गाची शक्यता गृहीत धरून शहरभर तपासणी व सर्व्हेला विशेष पथके नेमली आहेत. 

नाराज मेधा कुलकर्णींची भावनिक प्रतिक्रिया

याबाबत सासवडचे प्रांत प्रमोद गायकवाड व तहसीलदार रुपाली सरनौबत यांनी माहिती दिली की, संबंधित रुग्ण जिथे काम करतो तेथील एक डॉक्टर पुण्याहून येतात. त्यांनी काळजी म्हणून डायलेसिस सेंटरमधील एक रुग्ण व या कर्मचाऱ्याची रॅन्डमली तपासणी केली. त्यात हा देवस्थान कर्मचारी बाधीत सापडला. हा पुरंदर तालुक्याला व जेजुरी शहराला धक्का ठरला आहे. या रुग्णाच्या थेट संपर्कातील २० जण क्वारंटाइन केले आहेत. रुग्ण जेजुरीभोवती खुप फिरला आहे. त्याच्या संपर्कातील व लक्षणे असणारांनाही प्रसंगी क्वारंटाइन केले जाईल. 

पुण्याच्या इतर बातम्या वाचण्यासाठी येथे क्लिक करा 

जेजुरी तालुक्यात विविध भागातील अगोदर वेगवेगळे आढळलेल्या १८ जणांचे रिपोर्ट पूर्वीच निगेटिव्ह आले आहेत. तोंडल (ता. पुरंदर) येथील तब्बल २१ जण कोरोना पॉझिटिव्ह रुग्णाच्या संपर्कात आल्याने कोरोनामुक्त पुरंदरची डोकेदुखी वाढली होती. त्यांचे पहिले रिपोर्ट निगेटिव्ह आलेत. मात्र, पुढेही दुसरी तपासणी होईपर्यंत सर्वांचा क्वारंटाइन मुक्काम सासवडला कोविड केअर सेंटरला राहिला आहे. आता जेजुरीची चिंता पुरंदरला सतावणार आहे. जेजुरी पुरती रेड झोनमध्ये गेल्याचे जणू चित्र आहे.