घ्या! 18 कोटींचा दंड भरला, पण पुणेकरांनी मास्क नाही घातला! | Sakal
sakal

बोलून बातमी शोधा

घ्या! 18 कोटींचा दंड भरला, पण पुणेकरांनी मास्क नाही घातला!

घ्या! 18 कोटींचा दंड भरला, पण पुणेकरांनी मास्क नाही घातला!

पुणे : शहरात कोरोना संसर्गामुळे हजारो नागरीक बाधीत होत आहेत, कित्येक नागरीकांना आपल्या प्राणास मुकावे लागत आहेत. महापालिका, पोलिस, जिल्हा प्रशासन वारंवार मास्क परिधान करण्याचे आवाहन करूनही नागरीक मात्र अजूनही विनामास्क फिरण्यालाच पसंती देत आहेत. पुणे पोलिसांनी वर्षभरात अशा तब्बल 3 लाख 54 हजार 969 माननीयांवर दंडात्मक कारवाई करून त्यांच्याकडून 17 कोटी 85 लाख रुपयांचा दंड वसुल केला आहे.

पुणे शहराला कोरोनाच्या दुसऱ्या लाटेचा मोठ्या प्रमाणात फटका बसला. कोरोनाबाधीत नागरीकांवर उपचार करताना आरोग्य व्यवस्थेची अक्षरशः दमछाक झाली आहे. त्यामुळे नागरीकांनी मास्क परिधान करावे, असे प्रशासनाकडून सातत्याने आवाहन केले जात आहे. असे असूनही शहरात दररोज विना मास्क फिरणारे किमान दोन ते तीन हजार नागरीक पोलिसांना दिसत असून पोलिसांकडून त्यांच्यावर दंडात्मक कारवाईचा बडगा उगारत आहेत.

हेही वाचा: पुण्यात लाखभर ज्येष्ठ लसीविना; २.७१ लाख ज्येष्ठांनी घेतला पहिला डोस

पोलिसांनी मागील वर्षभरात तीन लाख 54 हजार बेशिस्त नागरिकांकडून 17 कोटी 85 लाख रुपये इतका दंड वसुल केला आहे. कोरोना संसर्ग वाढत असतानाही नागरीक मास्क परिधान न करणे, सोशल डिस्टंन्सींगचे पालन न करणे अशा पद्धतीने शासनाच्या सुचनांचे उल्लंघन करीत आहेत. पोलिस विनामास्क फिरणाऱ्या नागरीकांकडून 500 रुपये इतका दंड घेत आहेत. त्यावरुन पोलिस व नागरीकांमध्ये अनेकदा भांडणेही होत आहेत.

काही नागरीक मास्क तोंडाला लावण्याऐवजी तो गळ्यात किंवा कानाला अडकवितात. त्यामुळे त्यांच्यासह इतरांच्याही जीवाला धोका पोचू शकतो. म्हणूनच नागरिकांनी स्वतःसह इतरांच्याही आरोग्याच्या संरक्षणासाठी मास्कचा वापर करावा, असे आवाहन अपर पोलिस आयुक्त (गुन्हे) अशोक मोराळे यांनी केले आहे.

हेही वाचा: भारतीय व्हेरियंटवर लस, कोरोनावरील उपचार प्रभावी; WHOचा निर्वाळा

परिमंडळनिहाय पोलिसांनी केलेली कारवाई

  • परिमंडळ एक - 78 हजार 137

  • परिमंडळ दोन- 52 हजार 761

  • परिमंडळ तीन - 62 हजार 121

  • परिमंडळ चार- 66 हजार 853

  • परिमंडळ पाच- 55 हजार 642

  • वाहतूक शाखा- 39 हजार 455

Web Title: Corona Crisis 18 Crore Fine Was Paid But Punekar Did Not Wear A

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top