पुण्यात कोरोनाचा कहर! दिवसभरात ५,७२० नव्या रुग्णांची उच्चांकी नोंद

पुणे शहरात आज कोरोनाच्या संसर्गानं नवा उच्चांक गाठला. गेल्या चोवीस तासात शहरात ५,७२० नवे रुग्ण आढळून आले. पुणे शहरात पहिल्यांदाच आजवर दिवसभरात सर्वाधिक रुग्ण आढळून आले आहेत. तर ४४ रुग्णांचा मृत्यू झाला आहे. यामध्ये ९ रुग्ण हे पुण्याबाहेरील आहेत. पुणे महापालिकेच्या आरोग्य विभागानं ही माहिती दिली.

पुणे : अंशतः लॉकडाऊन, पोलिसांकडून नाकेबंदी; रस्त्यांवर वाहनांच्या रांगा! 

आरोग्यविभागाच्या माहितीनुसार, आज दिवसभरात शहरात ५,७२० पॉझिटिव्ह रुग्णांची वाढ झाली. तर दिवसभरात ३,२९३ रुग्णांना डिस्चार्ज देण्यात आला तर ४४ रुग्णांचा मृत्यू झाला. पुण्यात दिवसभरात ४४ करोनाबाधित रुग्णांचा मृत्यू झाला, यामध्ये ९ रूग्ण हे पुण्याबाहेरील आहेत.

पुन्हा लॉकडाउनचे दिवस, फ्रान्सनंतर बांगलादेशात निर्बंध; भारतातही निर्णयाची शक्यता?

दरम्यान, पुण्यात सध्या ८३७ गंभीर रुग्णांवर उपचार सुरू आहेत. आजच्या वाढलेल्या संख्येनंतर शहरातील एकूण पॉझिटिव्ह रूग्णांची संख्या २,८३,८१९ पोहोचली आहे. पुण्यातील ॲक्टिव्ह रुग्णांची संख्या ३९,५१८ आहे. आजवर शहरात ५,४११ इतक्या बाधित रुग्णांचे मृत्यू झाले आहेत. 

आजपर्यंत २,३८,८९० रुग्ण पूर्णपणे बरे झाल्याने त्यांना डिस्चार्ज देण्यात आला आहे. त्याचबरोबर दिवसभरात २०,०६६ नमुन्यांची तपासणी झाली आहे.