अरे रे, काश्मीरवरून सुटीला आलेल्या जवानाला कोरोनाने घेरले...

यवत (पुणे) : दौंड तालुक्यातील यवत गावात आज कोरोनाने प्रवेश केल्याचे समोर आले आहे. संसर्ग झालेली व्यक्ती केंद्रीय राखीव पोलिस दलातील जवान आहे.

पुण्यामध्ये आजपासून नवीन नियम लागू...

संबंधित जवान जम्मू- काश्मीर येथून चार दिवसांपूर्वी (ता. 30) सुटीसाठी यवत या आपल्या गावी आले आहे. त्यांनी स्वतः आपली तपासणी करून घेतली होती. या तपासणीचा अहवाल आज आला. त्यात त्यांनी कोरोनाची बाधा झाल्याचे आढळले आहे, अशी माहिती तालुका आरोग्य अधिकारी डॉ. अशोक राजगे यांनी दिली. 

कोरोनामुळे 78 टक्के लघू, सूक्ष्म उद्योगांचे काम बंद 

यवत गाव आजवर कोरोनापासून दूर होते. हे मोठी बाजार पेठ असलेले गाव आहे. तालुक्यातील केडगाव, वरवंड, पाटस या मोठ्या बाजारपेठेच्या गावांमध्ये कोरोनाचा संसर्ग झाला आहे. या पार्श्वभूमीवर यवत आजवर कोरोनापासून दूर राहिले होते. मात्र, आज यवतमध्येही या संसर्गाची सुरुवात झाल्याचे समोर आल्याने नागरिकांमध्ये चिंता वाढली आहे. 

जिल्ह्यात हरघर गोठे, घरघर गोठे...

केडगाव येथील एक रुग्ण यवत येथील एका खाजगी रूग्णालयात मागील चार दिवसांपासून उपचार घेत होता. या रुग्णाचा अहवाल सकारात्मक आल्याने कालपासूनच यवतमध्ये चिंतेचे वातावरण होते. आज यवत येथील नागरिक असलेल्या केंद्रिय राखीव पोलिस दलातील जवानाचा अहवाल सकारात्मक आला. त्यामुळे या चिंतेत अधिकच भर पडली आहे. या जवानाच्या संपर्कात नेमके किती लोक आले, याची तपासणी पोलिस, आरोग्य विभाग व आपत्ती व्यवस्थापन समितीकडून सुरू करण्यात आली आहे. 

पुण्याच्या बातम्या वाचण्यासाठी येथे ► क्लिक करा

दरम्यान, केडगाव येथील रूग्ण यवत येथील ज्या रूग्णालयात उपचार घेत होता, ते रूग्णालय व परिसर प्रतिबंधीत करण्यात आला असल्याची माहीती यवतचे ग्रामविकास अधिकारी राजाराम शेंडगे यांनी दिली.