पुणे शहरात कोरोना रुग्णांत ३० दिवसांत दहा पटीने वाढ | Corona Patients | Sakal
sakal

बोलून बातमी शोधा

Corona Patients
पुणे शहरात कोरोना रुग्णांत ३० दिवसांत दहा पटीने वाढ

पुणे शहरात कोरोना रुग्णांत ३० दिवसांत दहा पटीने वाढ

पुणे - पुणे शहरातील (Pune City) नवीन कोरोना रुग्णांत (Corona Patients) गेल्या ३० दिवसांत दहा पटीने वाढ (Increase) झाली आहे. बुधवारी (ता. ५) शहरातील एकूण सक्रिय कोरोना रुग्णांची संख्या ७ हजार ३२० इतकी झाली आहे. हीच संख्या महिनाभरापूर्वी ७४२ इतकी होती. दिवसातील नवीन कोरोना रुग्णांतही ४७ टक्क्यांनी वाढ झाली आहे. जिल्हा आरोग्य विभागाच्या वतीने शहर व जिल्ह्यातील दैनंदिन कोरोना रुग्णांचा अहवाल रोज रात्री प्रसिद्ध केला जातो. या अहवालातून हे स्पष्ट झाले आहे.

सध्या शहरातील कोरोना रुग्णांची संख्या झपाट्याने वाढत असून, दिवसातील नवीन रुग्णांच्या तुलनेत कोरोनामुक्तांची संख्या कमी होऊ लागली आहे. रुग्ण संख्या वाढत असली तरी पुणेकरांनी घाबरून जाऊ नये. आवश्‍यक खबरदारी घ्यावी. यासाठी मास्कचा नियमित वापर करणे, वारंवार हात धुणे, गर्दीत जाणे टाळावे आणि लक्षणे दिसताच जवळच्या दवाखान्यात त्वरित जावे, असे आवाहन आरोग्य विभागाच्यावतीने करण्यात आले आहे.

हेही वाचा: जिवंत पत्नीचा बनविला मृत्यूचा दाखला; पतीसह सात जणांवर गुन्हा दाखल

महिनाभरापूर्वी म्हणजेच ६ डिसेंबरला पुणे शहरात एका दिवसात केवळ ३८ नवे कोरोना रुग्ण आढळून आले होते. हीच बुधवारी दिवसातील रुग्ण संख्या १ हजार ८०५ वर गेली आहे. यामुळे महिनाभरातील दिवसातील नवीन कोरोना रुग्णांचा फरक १ हजार ७६७ इतका झाला आहे. दरम्यान, जिल्ह्यातील कोरोना रुग्णांची संख्या गेल्या महिनाभरात १२ हजार ८१० इतकी झाली आहे.

शहरातील महिनाभरातील कोरोना स्थिती

  • तीस दिवसांपूर्वी दिवसातील नवे रुग्ण, ३८

  • तीस दिवसानंतर दिवसातील नवे रुग्ण, १ हजार ८०५

  • महिन्यापूर्वीचे एकूण कोरोनाबाधित ५ लाख ७ हजार १७४

  • महिनाभरानंतर बुधवारपर्यंतचे कोरोनाबाधित ५ लाख १४ हजार ४९४

  • महिन्यात वाढलेले कोरोना रुग्ण ७ हजार ३२०

  • गेल्या ३० दिवसातील कोरोना चाचण्यांची संख्या १ लाख ८८ हजार ८३८

  • आतापर्यंत झालेल्या एकूण कोरोना चाचण्या ३९ लाख सहा हजार ३२२

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top