तळेगाव ढमढेरे (पुणे) : शिरूर तालुक्यातील रांजणगाव गणपती येथील कोरोना पॉझिटिव्ह युवकाच्या संपर्कातील त्याची पत्नी व एका मित्राचा कोरोना रिपोर्ट पॉझिटिव्ह आला असल्याची माहिती प्राथमिक आरोग्य केंद्राचे
वैद्यकीय अधिकारी डॉ. महेश सातव यांनी दिली.
रांजणगाव गणपती येथे २५ जून रोजी एका २९ वर्षीय युवकाचा कोरोना रिपोर्ट पॉझिटिव्ह आल्याने त्याच्या संपर्कातील १६ जणांचे घशातील स्त्राव तपासणीसाठी नेण्यात आले होते. त्यापैकी कोरोनाबाधित युवकाची पत्नी व एका २५ वर्षीय मित्राचा कोरोना रिपोर्ट पॉझिटिव्ह आला असून, उर्वरित १४ जणांचे रिपोर्ट निगेटिव्ह आले.
कोरोना पॉझिटिव्ह रुग्ण पुणे येथील नवले हॉस्पिटलमध्ये उपचार घेत असून, त्यांच्या प्रकृतीत सुधारणा होत आहे, अशी माहिती डॉ. सातव यांनी दिली.
रांजणगावात आता ३ कोरोना पॉझिटिव्ह रुग्ण असल्याने ग्रामपंचायत व आरोग्य विभागाने कोरोनाला रोखण्यासाठी खबरदारीचा उपाय सुरू केले आहेत. प्रांत अधिकारी संतोषकुमार देशमुख यांनी रांजणगाव गणपती हे गाव प्रतिबंधित क्षेत्र व बफर झोन म्हणून घोषित केले आहे. ९ जुलैपर्यंत गावात लॉकडाउन वाढविण्यात आले असून, अत्यावश्यक सेवा वगळता सर्व दुकाने बंद ठवण्याचा निर्णय घेण्यात आला आहे.
दरम्यान, नागरिकांनी कोरोनाचा ससर्ग व प्रादुर्भाव रोखण्यासाठी शासनाचे नियम पाळावेत, तोंडाला मास्क लावावा, सॅनिटायझरचा वापर करावा व गर्दी टाळावी, असे आवाहन सरपंच सर्जेराव खेडकर, उपसरपंच अजय गलांडे व ग्रामविकास अधिकारी किसन बिबे यांनी ग्रामस्थांना केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.