तळेगाव ढमढेरे (शिरूर) : शिरूर तालुक्‍यातील तळेगाव ढमढेरे प्राथमिक आरोग्य केंद्रांतर्गत असलेल्या पारोडी- शिवतक्रार म्हाळुंगी येथील एका 25 वर्षीय युवकाला कोरोनाची बाधा झाल्याचे आज निष्पन्न झाल्याची माहिती वैद्यकीय अधिकारी डॉ. प्रज्ञा घोरपडे यांनी दिली.
या युवकावर शिक्रापूर येथील एका खासगी रुग्णालयात उपचार चालू होते. त्यानंतर 15 मे रोजी पुणे येथील रूबी हॉल मध्ये उपचारासाठी नेले. तेथे कोरोनाची लक्षणे दिसू लागल्यानंतर त्याची कोरोना तपासणी करण्यात आली असून, त्याचा रिपोर्ट पॉझिटिव्ह आला आहे. तालुक्‍यातील ग्रामीण भागातही कोरोनाचा शिरकाव झाल्याने शिवतक्रार म्हाळुंगी व आसपासच्या परिसरातील नागरिकांमध्ये भीतीचे वातावरण निर्माण झाले आहे. कोरोनाची बाधा झाल्याचे समजताच आरोग्य विभागाच्या पथकाने गावात जाऊन कोरोना नियंत्रण समिती व ग्रामस्थांशी चर्चा केली.
कोरोनाची बाधा झालेल्या रुग्णाच्या संपर्कातील 15 लोकांना होम क्वारंटाइन करण्यात आले असून, त्यांच्या घशातील द्राव काढून प्रयोगशाळेत पाठवण्यात येणार असल्याचे आरोग्य विभागाने सांगितले. या युवकाला कोरोनाचा संसर्ग नेमका कोठे झाला, याचा तपास आरोग्य विभागामार्फत करण्यात येत आहे.
दरम्यान, युवकाला कोरोनाची बाधा झाल्याच्या पार्श्वभूमीवर आजपासून संपूर्ण गाव 14 दिवस बंद करण्यात आले आहे. ग्रामस्थांनी घाबरून न जाता लॉकडाउनचे नियम पाळून घरात बसूनच स्वतःच्या कुटुंबाची काळजी घेण्याचे आवाहन प्रशासनातर्फे करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.