‘कोरोना वॉरिअर्स, कोरोना योद्धा’ किंवा ‘कोरोना महायोद्धा’ प्रमाणपत्र घेणाऱ्यांनो सावधान; वाचा सविस्तर

पुणे - अनेकांना ‘कोरोना वॉरिअर्स, कोरोना योद्धा’ किंवा ‘कोरोना महायोद्धा’ असे प्रमाणपत्र देऊन गौरवण्यात येत आहे. प्रमाणपत्र मिळाल्याने खूष झालेले अनेक ’योद्धे’ सोशल मीडियावर झळकत आहेत. परंतु, या प्रमाणपत्राला कोणतीही शासकीय वैधानिकता नाही. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

अनेकांनी सोशल मीडियावर ही प्रमाणपत्रे आनंद व्यक्‍त करण्यासाठी अपलोडही केली. कुटुंबातील व्यक्ती, मित्रमंडळी, नातेवाईक त्यांचे कौतुक करतात. मात्र, अशी प्रमाणपत्र देण्याचे निकष काय आहेत? त्याविषयी शासकीय पातळीवर भूमिका जाहीर केलेली नाही.

Breaking : आता पुणे जिल्हा परिषदेतही कोरोनाने केली एन्ट्री; वाचा सविस्तर! 

अवमूल्यन नको 
सध्या सामाजिक संस्थांकडून कोरोना योद्धे किंवा महायोद्धे, असे प्रमाणपत्र दिले जाते. त्यातून प्रत्यक्षात काम करणारे पण, प्रसिद्धीपासून दूर असणाऱ्यांचे अवमूल्यन करू नये. या प्रमाणपत्रांची काहीच वैधानिकता नाही, असे ॲड. शिवराज कदम-जहागीरदार यांनी सांगितले.

पुण्याच्या महापौरांना हॉस्पिटलमधून डिस्चार्ज; 'या' तारखेपर्यंत राहणार होम क्वॉरंटाईन!

संबंधित संस्था, संघटनेच्या विश्वस्तांना पुरस्कार किंवा प्रमाणपत्र कोणाला द्यायचे हे ठरवण्याचा अधिकार असतो. मात्र, प्रमाणपत्रामुळे सरकारी पातळीवर त्यांना कोणत्याही सुविधा पुरवल्या जात नाहीत किंवा  त्याचे फायदेही मिळत नाहीत. अनेकदा संस्था स्वत:च्या प्रसिद्धीसाठी प्रमाणपत्र देतात.
- ॲड. शिवराज कदम-जहागीरदार, विश्वस्त, पब्लिक ट्रस्ट प्रॅक्‍टिशनर्स असोसिएशन

काय सांगता! राज्यातील पालकमंत्री पदे ही घटनाबाह्य!

सरकारच्या आवाहनानुसार मी रक्तदान केले. कोरोना संकटात रक्तदान केल्याने गरजू रुग्णांना त्याचा उपयोग होणार आहे. रक्‍तदानाची दखल घेऊन मला एका प्रतिष्ठानकडून गौरविले.
- प्रमाणपत्र मिळालेला तरुण

Edited By - Prashant Patil