पुणे : कोरोनाचा संसर्ग वाढू नये यासाठी देशभरात लॉकडाऊनच्या काळात पोलिस, आरोग्य कर्मचारी आणि सफाई कर्मचारी सेवा देत आहेत. या कोरोना योद्ध्यांच्या सन्मानासाठी भारतीय सैन्य दलाने रविवारी संपूर्ण देशभरात आकाशातून पुष्पवृष्टी केली. कश्मीरपासून कन्याकुमारीपर्यंत भारतीय सैन्य दलाच्या विशेष विमानाने पुष्पवृष्टी केली. पुण्यातही कोरोनावर उपचार करणा-या रुग्णालयांवर पुष्पवृष्टी करण्यात आली.
'आरोग्य सेतू'ची 'ती' लिंक आली असेल तर सावधान...
पोलिस, आरोग्य यंत्रणा आणि सफाई कर्मचाऱ्यांचे मनोधैर्य वाढविण्यासाठी भारतीय सैन्य दलाने हा विशेष उपक्रम राबविला असल्याचे मेजर जनरल नवनीत कुमार यांनी सांगितले. कोरोनाचा संसर्ग रोखण्यासाठी कार्यरत असलेले विभागीय आयुक्त डॉ. दीपक म्हैसेकर यांचा त्यांनी विशेष गौरव केला.
पुण्याच्या बातम्या वाचण्यासाठी येथे ► क्लिक करा
विभागीय आयुक्त कार्यालयात प्रांगणात सोशल डिस्टन्सिंग ठेवून भारतीय सैन्य दलाच्या वतीने आयोजित या कार्यक्रमाला कर्नल शर्मा, आर. एस. पाटियाल यांच्यासह अन्य अधिकारी, कर्मचारी उपस्थित होते. या वेळी उपायुक्त प्रताप जाधव, संजयसिंह चव्हाण, उपायुक्त जयंत पिंपळगावकर, अतिरिक्त जिल्हाधिकारी रुपाली आवळे, तहसीलदार मीनल भोसले, सहायक उपसंचालक ( आरोग्य) आडकीकर, उपसंचालक खांडकेकर, तहसीलदार मनिषा देशपांडे, लेखाधिकारी गणेश सस्ते, नायब तहसीलदार बाळासाहेब क्षिरसागर, स्वीय सहायक अनिकेत जोशी, स्वीय सहायक संजय भुकण, अर्चना फडणीस, लिपीक सचीन सांगडे, वाहनचालक बाळु खाडे, शिपाई गुलाब गिजरे, शरद टेकवडे यांचा विशेष सत्कार करण्यात आला.
पुण्यात अडकलेले विद्यार्थी म्हणताहेत, 'कोरोनाऐवजी आम्ही उपासमारीने मरू'
''कोरोनाच्या लढाईतील योद्ध्यांना बळ देणे हे आपले कर्तव्य आहे. पुणे विभागाच्या अंतर्गत 22 जिल्ह्यांत हा उपक्रम राबविण्यात येत आहे. कोरोनाच्या संकटात डॉक्टर्स, नर्स, सफाई कर्मचारी कार्यरत आहेत. लॉकडाऊनच्या काळात अधिकारी, कर्मचारी देखील समन्वयाने कार्य करत आहेत. या कोरोना सैनिकांचा आम्हाला अभिमान आहे.''
- मेजर जनरल नवनीत कुमार
ताज्या बातम्यांसाठी डाऊनलोड करा ई-सकाळचे ऍप
सैन्यदलाकडून जिल्हाधिकारी यांचा सत्कार :
कोरोनाचा संसर्ग रोखण्यासाठी कार्यरत जिल्हाधिकारी नवल किशोर राम यांचा सैन्यदलाकडून विशेष गौरव करण्यात आला. जिल्हाधिकारी कार्यालयात आयोजित कार्यक्रमाला निवासी उपजिल्हाधिकारी डॉ. जयश्री कटारे आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.