बाप रे, जुन्नरमधील कोरोनाबाधित वकिल अनेकांच्या संपर्कात 

जुन्नर (पुणे) : जुन्नर शहरात कोरोनाचा शिरकाव झाला असून, शहराच्या मध्य वस्तीत एक गृहरचना सोसायटीत राहणाऱ्या वकिलाचा तपासणी अहवाल पॉझिटिव्ह आला आहे. त्यामुळे तालुक्यातील कोरोनाबधितांची संख्या  ३२ झाली असून, एकाचा मृत्यू, तर २१ रुग्ण बरे झाले असून, १० ऍक्टिव्ह आहेत.

शेतकऱ्याच्या पोरोची गरुड भरारी

कोरोना रुग्ण आढळलेला परिसर जुन्नर नगर पालिका प्रशासनाने प्रतिबंधीत करण्याच्या दृष्टीने तयारी केली आहे. तसेच, रुग्णाच्या संपर्कातील व्यक्तींची माहिती घेऊन त्यांची तपासणी करण्यात येणार आहे. संबंधित व्यक्ती जळगाव येथे जाऊन आल्याचे सांगण्यात आले, येथे आल्यानंतर त्याचा अनेकांशी संपर्क झाला असून, त्यांची चिंता वाढली आहे.

बारामतीच्या नवीन वाहतूक आराखड्याला हिरवा कंदिल

जु्न्नर तालुक्यातील कुसुर आणि धामणखेल या गावांत बुधवारी (ता. १०) प्रत्येकी एक कोरोनाबाधित रुग्ण आढळून आले आहे. त्यामुळे तालुक्यातील ऍक्टिव्ह रुग्णांची संख्या दहा झाल्याची माहिती आरोग्य विभागाने दिली आहे. गुरुवारपर्यंत (ता. ११) तालुक्यातील २१ कोरोनाबाधित रुग्ण बरे झाले आहेत. औरंगपूर येथील एकाचा मृत्यू झाला आहे. या दहा ऍक्टिव्ह रुग्णांपैकी लेण्याद्री येथील कोविड केअर सेंटरमध्ये चार, पुण्याच्या औंधला दोन वायसीएम येथे तीन, तर रुबी हॉल येथे एका रुग्णावर उपचार सुरू आहेत.

पाठ्यपुस्तके पाहून हरखली बालमने

लेण्याद्री येथील कोविड केअर सेंटरमध्ये गुरुवारी आठ संशयित रुग्णांचे स्वॅब घेण्यात आले, ते निगेटिव्ह आले आहेत. आतापर्यंत ३५६ रुग्णांचे नमुने पुणे येथे तपासणीसाठी पाठविण्यात आले आहेत. वैद्यकीय अधिकारी डॉ. श्याम बनकर यांच्या देखरेखीत सुरू असलेल्या या केंद्रात बरे झालेल्या एका रुग्णास शुक्रवारी सोडण्यात आले आहे. आतापर्यंत २१ रुग्णांनी कोरोना विरुद्धची लढाई जिंकली आहे. तालुक्यात एकूण ४०३१ व्यक्ती क्वारंटाइन असून, त्यापैकी संस्थात्मक १०९, तर होम क्वारंटाइन झालेले ३९२२ नागरिक आहेत.

पुण्याच्या इतर बातम्या वाचण्यासाठी येथे क्लिक करा

जु्न्नर तालुक्यातील गावनिहाय स्थिती पुढीलप्रमाणे : डिंगोरे- १ (बरा), सावरगाव- ५ (बरे), मांजरवाडी-  २ (बरे), पारुंडे- ३ (बरे), आंबेगव्हाण- २ (बरे), धोलवड- ३ (बरे ), धालेवाडीतर्फे मिन्हेर- १ (बरा), विठ्ठलवाडी-वडज - १ (बरा), शिरोलीतर्फे आळे- २ (बरे), खिलारवाडी- १ (बरा),  औंरगपूर- १ मृत्यू. एक्टिव्ह : कुरण- १, विठ्ठलवाडी- १, ओतूर- २, चिंचोली- ३, धामणखेल- १, कुसुर- १, जुन्नर- १.