Cough Syrup Scam
Sakal
पुणे : ‘कोल्‍ड्रीफ’ कफ सिरपच्‍या सेवनाने बालकांचा मृत्‍यू झाल्‍यावर अन्न व औषध प्रशासनाने (एफडीए) राज्यभरात डॉक्टरांच्या चिठ्ठीशिवाय (प्रिस्क्रिप्शन) कफ सिरपची विक्री करणाऱ्या औषध विक्रेत्यांवर कारवाईचा बडगा उगारला आहे. याप्रकरणी पुण्‍यात २० औषधविक्रेत्‍यांवर कारणे दाखवा नोटीस व निलंबनाची कारवाई केली आहे. पुणे जिल्‍हा औषध विक्रेत्‍या संघटनेने केवळ औषध विक्रेत्‍यांवरच लक्ष केंद्रित न करता, बनावट औषधे तयार करणाऱ्या कंपन्‍या व ऑनलाइन औषधविक्री करणाऱ्या कंपन्‍यांवरही कारवाईचा बडगा उगारण्‍यात यावा, अशी मागणी ‘एफडीए’कडे केली आहे.