पुणे - पोटगीची रक्कम थकविल्याने न्यायालयाने पतीची एका महिन्यासाठी न्यायालयीन कोठडीत रवानगी केली आहे. पोटगीची पैसे भरले नाही म्हणून दरखास्तीच्या प्रक्रियेनुसार प्रथमवर्ग न्यायदंडाधिकारी एस. आर. बडवे यांनी हा आदेश दिला आहे..पत्नीने नऊ मार्च २०२१ ला कौटुंबिक हिंसाचाराबाबत न्यायालयात अर्ज केला होता. न्यायालयीन खटल्यामध्ये हजर न झाल्यामुळे पतीच्या विरोधात न्यायालयाने २३ जुलै २०२३ ला एकतर्फी आदेश दिला होता. त्यानुसार न्यायालयाने पत्नीला १५ रुपये, तसेच मुलाला ५ हजार रुपये उदरनिर्वाहासाठी तसेच घर भाड्यापोटी पाच हजार रुपये, असे एकूण २५ हजार रुपये दरमहा पोटगी देण्याचा अंतरिम आदेश दिला आहे. याशिवाय नुकसान भरपाई म्हणून ४० हजार, तसेच दाव्याच्या खर्चापोटी पाच हजार रुपये पत्नीला देण्याचे आदेशात नमूद होते..या आदेशानुसार पतीने पोटगीची रक्कम भरली नाही. पतीने पोटगीचे सात लाख ९५ हजार रुपये थकविले आहेत. त्यामुळे पत्नीने ॲड. ऋतुराज पासलकर, ॲड. पुष्कर पाटील आणि ॲड. प्रतीक पाटील यांच्यामार्फत न्यायालयाच्या आदेशाची अंमलबजावणी होण्याचा अर्ज दाखल केला होता..पतीने न्यायालयाची दिशाभूल करून पत्नी व मुलाला वाऱ्यावर सोडले आहे. पोटगीची रक्कम न भरून पत्नीला त्रास व्हावा या उद्देशाने पतीने न्यायालयीन प्रक्रियेचा गैरवापर केला आहे. तसेच पत्नी व मुलाची देखभाल करणे हे पतीचे प्रथम कर्तव्य आहे.पती पैसे भरत नसल्याने त्याची रवानगी दरखास्तीच्या प्रक्रियेनुसार न्यायालयीन कोठडीत करण्यात यावी, असा युक्तिवाद पत्नीच्या वकिलांनी केला. दोन्ही बाजूंचा युक्तिवाद विचारात घेऊन न्यायालयाने पतीला एक महिना न्यायालयीन कोठडीत ठेवण्याचे आदेश दिले. पोलिसांनी पतीला ताब्यात घेऊन त्याची येरवडा कारागृहात रवानगी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
पुणे - पोटगीची रक्कम थकविल्याने न्यायालयाने पतीची एका महिन्यासाठी न्यायालयीन कोठडीत रवानगी केली आहे. पोटगीची पैसे भरले नाही म्हणून दरखास्तीच्या प्रक्रियेनुसार प्रथमवर्ग न्यायदंडाधिकारी एस. आर. बडवे यांनी हा आदेश दिला आहे..पत्नीने नऊ मार्च २०२१ ला कौटुंबिक हिंसाचाराबाबत न्यायालयात अर्ज केला होता. न्यायालयीन खटल्यामध्ये हजर न झाल्यामुळे पतीच्या विरोधात न्यायालयाने २३ जुलै २०२३ ला एकतर्फी आदेश दिला होता. त्यानुसार न्यायालयाने पत्नीला १५ रुपये, तसेच मुलाला ५ हजार रुपये उदरनिर्वाहासाठी तसेच घर भाड्यापोटी पाच हजार रुपये, असे एकूण २५ हजार रुपये दरमहा पोटगी देण्याचा अंतरिम आदेश दिला आहे. याशिवाय नुकसान भरपाई म्हणून ४० हजार, तसेच दाव्याच्या खर्चापोटी पाच हजार रुपये पत्नीला देण्याचे आदेशात नमूद होते..या आदेशानुसार पतीने पोटगीची रक्कम भरली नाही. पतीने पोटगीचे सात लाख ९५ हजार रुपये थकविले आहेत. त्यामुळे पत्नीने ॲड. ऋतुराज पासलकर, ॲड. पुष्कर पाटील आणि ॲड. प्रतीक पाटील यांच्यामार्फत न्यायालयाच्या आदेशाची अंमलबजावणी होण्याचा अर्ज दाखल केला होता..पतीने न्यायालयाची दिशाभूल करून पत्नी व मुलाला वाऱ्यावर सोडले आहे. पोटगीची रक्कम न भरून पत्नीला त्रास व्हावा या उद्देशाने पतीने न्यायालयीन प्रक्रियेचा गैरवापर केला आहे. तसेच पत्नी व मुलाची देखभाल करणे हे पतीचे प्रथम कर्तव्य आहे.पती पैसे भरत नसल्याने त्याची रवानगी दरखास्तीच्या प्रक्रियेनुसार न्यायालयीन कोठडीत करण्यात यावी, असा युक्तिवाद पत्नीच्या वकिलांनी केला. दोन्ही बाजूंचा युक्तिवाद विचारात घेऊन न्यायालयाने पतीला एक महिना न्यायालयीन कोठडीत ठेवण्याचे आदेश दिले. पोलिसांनी पतीला ताब्यात घेऊन त्याची येरवडा कारागृहात रवानगी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
