पुणे - कात्रज परिसरात मोटारीला दुचाकीने धडक दिल्यानंतर झालेल्या वादातून एका तरुणावर कोयत्याने वार करून गंभीर जखमी केल्याची घटना घडली. आंबेगाव पोलिसांनी एका आरोपीला अटक केली असून, दोन अल्पवयीन मुलांना ताब्यात घेतले आहे..मृणाल दीपक जाधव (वय-१९, रा. कात्रज) असे अटक करण्यात आलेल्याचे नाव आहे. तर जखमी झालेल्याचे नाव अक्षय दत्तात्रेय बांदल (वय २६, रा. आंबेगाव, कात्रज) असे आहे. याबाबत बांदल यांनी याबाबत आंबेगाव पोलिस ठाण्यात फिर्याद दिली आहे..पोलिसांनी दिलेल्या माहितीनुसार, रविवारी (ता. २) सायंकाळी सहाच्या सुमारास बांदल, त्याचा भाऊ आणि मित्र मुंबई-बंगळूर बाह्यवळण मार्गावरील एका कॉफी शॉपसमोर थांबले होते. त्यावेळी आरोपी मृणाल जाधव आणि त्याच्यासमवेत दोन अल्पवयीन साथीदार दुचाकीवरून तेथे आले. बांदल यांनी मोटार कॉफी शॉपसमोर उभी केली होती. त्या दुचाकीने मोटारीला किरकोळ धडक दिली..याबाबत जाब विचारताच जाधव आणि त्याच्या साथीदारांनी बांदल याच्याशी वाद घातला. यावेळी जाधवने कोयत्याने बांदलच्या डोक्यावर आणि हातावर वार केले. या घटनेची माहिती मिळताच आंबेगाव पोलिसांनी घटनास्थळी धाव घेतली..पोलिसांनी आरोपी मृणाल जाधवला अटक केली असून, दोन अल्पवयीन मुलांना ताब्यात घेतले आहे. खुनाचा प्रयत्न आणि शस्त्रबंदी कायद्याखाली गुन्हा नोंद करण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
