पिंपरी - सलग तीन दिवस बॅंकांना सुट्ट्यांनंतर सोमवारी (ता. 13) बॅंका उघडल्या. त्यामुळे नागरिकांनी पैसे काढण्यासाठी शहरातील बॅंकांमध्ये गर्दी केली होती.
बॅंकांना शुक्रवारी (ता. 10) "गुड फ्राय-डे'ची सुटी होती. शनिवारी (ता. 11), रविवारी (ता. 12) बॅंका बंद होत्या. त्यामुळे तीन दिवस नागरिकांना कोणतेही व्यवहार करता आले नाहीत. तसेच मंगळवारी (ता. 14) डॉ. आंबेडकर जयंतीची सुटी आहे. केंद्र सरकारने तीन महिने कर्जाचे हप्ते तात्पुरते भरले नाही तरी चालतील, अशी मुभा ग्राहकांना दिली आहे. मात्र, अंतिम निर्णय संबंधित बॅंकांवर सोपविला आहे.
या बाबत सोशल मीडियाच्या माध्यमातून अनेक तज्ज्ञांनी शक्‍यतो कर्जाचे हप्ते भरण्याचे आवाहन केले आहे. अनेकजण पहिल्या पंधरवड्यात कर्जाचे हप्ते भरतात. तसेच औषधे, किराणामाल, भाजी यासारख्या अत्यावश्‍यक वस्तूंच्या खरेदीसाठी पैशांची गरज असते. त्यामुळे नागरिकांनी बॅंकांबाहेर रांगा लावल्या होत्या. बहुतेक ठिकाणी सोशल डिस्टन्सिंगचे नागरिक पालन करताना दिसत होते. लॉकडाउनमुळे अनेक रिक्षा बंद असल्याने ज्येष्ठ नागरिकांची बॅंकेत येताना गैरसोय झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.