किरकटवाडी : दोन दिवसांपासून सुरू असलेल्या मुसळधार पावसामुळे किरकटवाडीतील महापालिका शाळेची इमारत धोकादायक बनली आहे. शाळेच्या छतावर पाणी साचत असल्याने छत व भिंतीतून गळती सुरू झाली आहे. वर्गखोल्यांत ठिकठिकाणी पाणी झिरपत असून, विद्यार्थ्यांचे शिक्षण विस्कळित होत आहे. तसेच भिंती ओल्या झाल्याने प्लास्टर कोसळण्याचा धोका असून विद्यार्थी व शिक्षकांच्या जीविताला गंभीर धोका निर्माण झाला आहे.