पिंपरी - दमदाटी केल्याबाबतचा जाब विचारणाऱ्या तरूणीला शिवीगाळ करीत मारहाण करण्यात आली. आरोपी एवढ्यावरच नाही थांबले तर तरूणीची भररस्त्यात पॅन्ट उतरविली. हा धक्कादायक प्रकार थेरगाव येथे घडला. याप्रकरणी पाच जणांवर गुन्हा दाखल झाला आहे.
होनाजी किसन घोगरे (वय 46), जनाबाई होनाजी घोगरे (वय 36), प्रथमेश होनाजी घोगरे (वय 18), आरती कानिफनाथ घोगरे (वय 44), कानिफनाथ घोगरे (सर्व रा. समर्थ कॉलनी, पवारनगर, थेरगाव) अशी गुन्हा दाखल झालेल्यांची नावे आहेत. याप्रकरणी 22 वर्षीय तरूणीने फिर्याद दिली आहे. गुरुवारी (ता.16) रात्री साडेआठ वाजता फिर्यादी त्यांच्या घरासमोर बॅडमिंटन खेळण्यासाठी आल्या असता होनाजी घोगरे याने फिर्यादीस "तु घरात जा नाहीतर तुझ्या कानाखाली मारेल' अशी दमदाटी केली. त्यावर फिर्यादीने "कानाखाली का मारणार' असा जाब विचारला असता याचा राग आल्याने इतर आरोपींनी त्यांना शिवीगाळ करीत हाताने मारहाण केली. तसेच जिवे मारण्याची धमकी दिली. तर आरोपी जनाबाई घोगरे हिने भररस्त्यात फिर्यादीची पॅन्ट ओढून काढली. वाकड पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.