कात्रज घाटात तिसऱ्यांदा कोसळली दरड

रस्त्यांवरील दगडे जेसीबीच्या सहाय्याने हटविण्यात आली
Darad collapsed for the third time in Katraj Ghat
Darad collapsed for the third time in Katraj Ghat

कात्रज - परिसरात मुसळधार पाऊस सुरु असताना बुधवारी (ता. १३) दुपारच्या वेळी कात्रज जुन्या बोगद्याजवळ दरड कोसळल्याची घटना घडली. रस्यावर दगडे आली होती. धनकवडी सहकारनगर क्षेत्रिय कार्यालयाचे आपत्ती निवारण पथक याठिकाणी रवाना झाले. त्यांच्याकडून रस्त्यांवरील दगडे जेसीबीच्या सहाय्याने हटविण्यात आल्याची माहिती धनकवडी सहायक आयुक्त विजय वाघमोडे यांनी दिली.

डोंगरावरुन चार ते पाच मोठे दगड खाली आले होते. त्यापैकी दोन दगड रस्त्याच्या मधोमध होते. सुदैवाने यामध्ये कोणताही अपघात झाला नाही. मात्र, काही काळासाठी वाहतूकीला अडथळा निर्माण झाला होता. परिसरात मुसळधार पाऊस पडत आहे. गेल्या पाच ते सहा दिवसांपासून परिसरात मोठ्या प्रमाणांवर पाऊस पडत आहे. त्यामुळे अशा घटनांमध्ये वाढ झाली आहे. मागील १५ दिवसांतील कात्रज घाटात दरड कोसळण्याची ही तिसरी घटना आहे.

कात्रज घाट रस्त्याला राज्य विशेष महामार्गाचा दर्जा असून देखभाल दुरुस्तीची जबाबदारी सार्वजनिक बांधकाम दक्षिण विभाग यांच्याकडे आहे. मात्र, देखभाल दुरुस्तीसाठी निधी नसल्याचे कारण सांगून सार्वजनिक बांधकाम विभागाचे अधिकारी हात वर करत असल्याचे वारंवार दिसून आले आहे. अशावेळी दरड कोसळण्याच्या घटना सातत्याने घडत असून यामुळे नागरिकांचे जीव धोक्यात आले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com