दौंडहून यूपीला पायी निघालेल्या मजुरांना पोलिसांनी...

daund1.jpg
daund1.jpg
Updated on

दौंड (पुणे) : बिना काम और पैसों के चलते गुजारा कर लिया पर अब गांव जाना है | कोरोना हो जाएगा यह डर सताता है | पैदल निकले थे लेकिन महाराष्ट्र पुलिस ने हमें रोककर चार घंटों में बस का प्रबंध करवा दिया | कोरोना पर वॅक्सीन बन जाएगा तो लौटेंगे, अशी आशा कुरकुंभ (ता. दौंड) येथून उत्तर प्रदेश कडे पायी निघालेल्या चंदन कुशवाहा या मजुराने व्यक्त केली. 

कुरकुंभ - दौंड रस्त्याने पोलिसांच्या नाकाबंदीत अडविले जाईल, या भीतीने कुरकुंभ एमआयडीसी मधील एका रासायनिक कंपनीत रोजंदारी करणारे चंदन कुशवाह व इतर ४१ जण १४ मे रोजी रिलायन्स कंपनीच्या मागील बाजूने पायी चालत निघाले. तरी संध्याकाळी वायरलेस फाटा (ता. दौंड) येथे पोलिसांनी त्यांना अडवून विचारपूस केली.

पायी जाण्याच्या अडचणी पोलिसांनी सांगितल्यावर त्यांनी काहीतरी व्यवस्था करण्याची विनंती केली. पोलिस नाईक बापू रोटे व कॅान्स्टेबल अक्षय घोडके यांनी पोलिस निरीक्षक सुनील महाडीक यांना हा प्रकार सांगितला. महाडीक यांनी तहसीलदार संजय पाटील यांच्याकडे खासगी बससाठी आवश्यक परवानगी संदर्भात मागणी केल्यानंतर परवानगी मिळाली. दौंड मर्चंटचे अध्यक्ष राजेश पाटील यांनी या मजुरांच्या जेवणाची व्यवस्था केली. प्रत्येकी साडेतीन हजार रूपये भाडे निश्चित करण्यात आले. 

 पुण्याच्या इतर बातम्या वाचण्यासाठी येथे- क्लिक करा                  

मध्यरात्री पोलिस उप अधीक्षक एेश्वर्या शर्मा यांनी या मजुरांची भेट घेऊन त्यांच्या समस्या जाणून घेत जेवण व रोजगाराची व्यवस्था करण्याची हमी दिली परंतु मजूर जाण्यावर ठाम होते. चर्चेदरम्यान कोरोनाच्या भीतीने कुटुंबीय चिंतेत असल्याने पायी निघाल्याचे मजुरांनी मान्य केले. आवश्यक सूचना आणि शुभेच्छा देत पोलिसांकडून मजुरांना निरोप देण्यात आला. 
                   

दौंड वरून नागपूर - जबलपूर - गोरखपूर मार्गे १७०० किलोमीटर अंतर पार करीत बस देवरिया आणि कुशीनगर जिल्ह्यात जाणार आहे. एरवी कायदा मोडल्यावर काठ्या मारणारे, उठाबशा काढायला लावणारे आणि गुन्हे दाखल करणार्या पोलिसांची मदतीची ही भावना पाहून मजूर भारावले होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com