'मला तुमच्यासोबत यायचे' म्हणत नवऱ्याचा पाठलाग करणाऱ्या महिलेचा मृत्यू 

पिंपरी : नवऱ्याचा पाठलाग करताना चक्कर येवून पडलेल्या महिलेचा उपचारादरम्यान मृत्यू झाला. याप्रकरणी पोलिसांनी अकस्मात मृत्यूची नोंद केली आहे. 

पुणे : कोथरूडमध्ये वाहतूक कोंडीमुळे रिक्षात जन्मले बाळ

आशा भिमराव जोगदंड (वय 35, रा. वाघेरे कॉलनी, पिंपरी) असे मृत्यू झालेल्या महिलेचे नाव आहे. पती-पत्नीमधील वाद मिटविण्यासाठी 7 डिसेंबरला (शनिवार) त्यांच्या घरी बैठक घेतली होती. पतीकडील नातेवाईकही त्यांच्या घरी आले होते. मात्र, बैठकीत व्यवस्थित चर्चा न झाल्याने पती व त्यांचे नातेवाईक तेथून निघाले. दरम्यान, मला तुमच्यासोबत यायचे असल्याचे म्हणत आशा या पतीच्या पाठोपाठ निघाल्या. मात्र, ते थांबले नाहीत. त्यानंतर पिंपरीगावातील त्यांच्या घरापासून शगुन चौकापर्यंत आशा या पतीच्या पाठोपाठ आल्या.

पिंपरीतील घरफोडीत सिंगापूरच्या तीन हजार डॉलरची चोरी 
 

शगुन चौकात आल्या असता त्यांना चक्कर आल्याने त्या खाली कोसळल्या. त्यानंतर काही वेळाने त्यांना पुन्हा रक्ताची उलटी झाली. उपचारासाठी त्यांना पिंपरीतील यशवंतराव चव्हाण स्मृती रूग्णालयात दाखल करण्यात आले. शुक्रवारी (ता.13) उपचारादरम्यान त्यांचा मृत्यू झाला. याप्रकरणी पोलिसांनी आकस्मात मृत्यूची नोंद केली असून अधिक तपास सुरू आहे.

पुण्यात लॉटरीच्या बहाण्याने साडे सतरा लाखाची ऑनलाईन फसवणूक