बारामती (पुणे) : कोरोनाचा प्रादुर्भाव रोखण्यासाठी लॉकडाउनच्या कालावधीत बंद करण्यात आलेले महावितरणची वीजबिल भरणा केंद्र टप्प्याटप्प्याने सुरु करण्यात येत आहे. बारामती, इंदापूर, भोर, पुरंदर, दौंड व शिरुर तालुक्यांमध्ये आतापर्यंत 208 पैकी 184 वीजबिल भरणा केंद्र सुरु करण्यात आले आहेत. कोरोना प्रतिबंधित क्षेत्र वगळता येत्या काही दिवसांत उर्वरित वीजबिल भरणा केंद्र सुरु होणार आहेत.
कोरोना विषाणूमुळे लॉकडाउनच्या कालावधीत महावितरणचे वीजबिल भरणा केंद्र बंद करण्यात आले होते. तसेच, 23 मार्चपासून मीटर रिडींग व छपाई केलेल्या कागदी वीजबिलांचे वितरण बंद करण्यात आले. त्यामुळे वीजग्राहकांना मासिक वीजवापराएवढे सरासरी वीजबिल मोबाईल ‘एसएमएस’द्वारे व ऑनलाईन उपलब्ध करून देण्यात येत आहे. वीजग्राहकांना पाठविण्यात आलेले सरासरी वीजबिल भरण्याचे आवाहन करण्यात आले आहे.
वीजग्राहक व कर्मचाऱ्यांच्या वैयक्तिक व सार्वजनिक स्वरुपात आरोग्याची काळजी घेऊन वीजबिल भरणा केंद्र सुरु करण्याची परवानगी स्थानिक प्रशासनाकडून महावितरणला देण्यात आली आहे. ही काळजी घेऊन महावितरणने बारामती व इंदापूर तालुक्यात 72 पैकी 65, दौंड व शिरुर तालुक्यात 89 पैकी 81 आणि भोर व पुरंदर तालुक्यात 47 पैकी 38 वीजबिल भरणा केंद्र सुरु केले आहेत. यामध्ये महावितरण, पुणे जिल्हा मध्यवर्ती सहकारी बँक तसेच इतर सहकारी बँका व पतसंस्थांकडून चालविण्यात येणाऱ्या अधिकृत वीजबिल भरणा केंद्राचा समावेश आहे.
कोरोना विषाणूचा प्रादुर्भाव टाळण्यासाठी कर्मचारी व वीजग्राहक यांच्या आरोग्याची सर्वतोपरी काळजी घेणे व फिजिकल डिस्टन्सिंगचे काटेकोरपणे नियम पाळणे व सॅनिटाईझरची सोय उपलब्ध करून देणेबाबत केंद्रचालकांना सूचना देण्यात आल्या आहेत. तसेच, वीजग्राहकांना पाठविण्यात आलेल्या मोबाईल ‘एसएमएस’द्वारे किंवा केवळ ग्राहक क्रमांकाच्या आधारे वीजबिल भरून घेण्याची सूचना केंद्रचालकांना देण्यात आली आहे. वीजग्राहकांनी वीजबिल उपलब्ध नसल्याने वीजबिल भरणा केंद्रात ‘एसएमएस’ दाखवावा किंवा जुने वीजबिल दाखवावे. ते सुद्धा उपलब्ध नसल्यास फक्त ग्राहक क्रमांक सांगितला तरी वीजबिलाची रक्कम भरण्याची सोय उपलब्ध आहे. वीजग्राहकांनी थकबाकीसह चालू वीजबिल भरून महावितरणला सहकार्य करावे, असे आवाहन महावितरणकडून करण्यात आले आहे.
यासोबतच घरबसल्या वीजबिल भरण्यासाठी महावितरणची वेबसाईट www.mahadiscom.in तसेच मोबाईल अॅप व इतर पर्यायांद्वारे ऑनलाईन सोय उपलब्ध आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.