लॉकडाउनच्या काळात गीर गाईच्या दुधाला दुप्पट मागणी वाढली

गोडुंब्रे (ता. मावळ) - गीर गाईंना गोठ्याकडे घेऊन जाताना गोपालक.
गोडुंब्रे (ता. मावळ) - गीर गाईंना गोठ्याकडे घेऊन जाताना गोपालक.

सोमाटणे - ‘दुधात रोगप्रतिकारक्षमता जास्त असल्याने लॉकडाउनच्या काळात गीर गाईच्या दुधाला दुप्पट मागणी वाढली,’’ असे मत परराज्यातील गोपालक गणपत गवळी यांनी व्यक्त केले. 

गवळी हे आपल्या साथीदारांसह चाऱ्याच्या शोधात सात वर्षांपूर्वी राजस्थानावरून पवन मावळात आले आहेत. कासारसाई, दारुंब्रे परिसरात उसाचे क्षेत्र जास्त असल्याने गाईसाठी मुबलक चारा मिळतो. गेल्या सात वर्षांपासून सर्व गोपालक संत तुकाराम सहकारी साखर कारखाना परिसरात आपल्या कुटुंबासह तात्पुरते स्थायिक झाले. दूध व शेणखतापासून त्यांना चांगले उत्पन्न मिळत आहे. 

कोरोनामुळे मार्चमध्ये लॉकडाउन झाले, तेव्हा दुधाची मागणी घटण्याची भीती गोपालकांमध्ये निर्माण झाली होती. परंतु, परिस्थिती उलट झाली. गीर गाईच्या दुधात असलेल्या घटकद्रव्यामुळे शरीराची रोगप्रतिकारक क्षमता वाढते. शरीर मजबूत बनते. या कारणांमुळे लॉकडाउमध्ये दुधाला दुप्पट मागणी वाढली. दुधाचे दरही प्रतिलिटर चाळीस ते साठ रुपये लिटरपर्यंत झाल्याने उत्पन्न वाढले, असे गवळी यांनी सांगितले.

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com