पुणे : सावित्रीबाई फुले पुणे विद्यापीठाने व्यावसायिक अभ्यासक्रमांच्या परीक्षा ऑनलाइन, तर अव्यावसायिक पदवीच्या परीक्षा ऑफलाइन पद्धतीने घ्याव्यात, अशी मागणी अधिसभा (सिनेट) सदस्यांनी कुलगुरू डॉ. नितीन करमळकर यांच्याकडे केली आहे.
प्रोग्रेसिव्ह एज्युकेशन सोसायटीचे कार्याध्यक्ष डॉ. गजानन एकबोटे, सचिव प्रा. श्‍यामकांत देशमुख, सहकार्यवाह प्रा. ज्योत्स्ना एकबोटे, अधिसभा सदस्य प्रा. डॉ. संजय खरात, दादाभाऊ शिनलकर, संतोष ढोरे, शशिकांत तिकोटे, अभिषेक बोके, बागेश्री मंठाळकर, विद्यापरिषद सदस्या प्राचार्य प्रा. डॉ. सुनीता आढाव यांनी ही मागणी केली.
अव्यावसायिक अभ्यासक्रमात शिकणारे विद्यार्थी हे गरीब व ग्रामीण भागातील आहेत. "कोरोना'मुळे अनेक पालकांच्या नोकऱ्या गेलेल्या आहेत, अशा स्थितीत ऑनलाइन परीक्षेसाठी सर्व विद्यार्थ्यांकडे कॉम्प्युटर, लॅपटॉप, टॅब, अँड्रॉइड मोबाईल असतील असे गृहीत धरणे चुकीचे ठरेल. परीक्षेसाठी आवश्‍यक इंटरनेट कनेक्‍टिव्हिटीची खात्री देता येत नाही. ग्रामीण भागात वीजेची समस्या आहे. त्यामुळे पारंपरिक अभ्यासक्रमाच्या परीक्षा ऑफलाइन पद्धतीने घ्याव्यात. पुणे विद्यापीठाच्या परिक्षेत्रात राहणाऱ्या विद्यार्थ्यास त्याच्या घराजवळच्या कोणत्याही महाविद्यालयात परीक्षा केंद्र द्यावे, अशी मागणी केली आहे.
"व्यवसायायिक अभ्यासक्रमाची आॅनलाइन तर अव्यावसायिक अभ्यासक्रमाची आॅफलाइन परीक्षा द्यावी. पुणे विद्यापीठाच्या परीक्षांच्या नियोजनासंदर्भात कुलगुरूंनी चर्चा करावी यासाठी त्यांच्याकडे वेळ मागितली आहे."
- दादाभाऊ शिनलकर, अधिसभा सदस्य, पुणे विद्यापीठ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.