ग्रामस्थांच्या मते गाव कोरोनामुक्त...पण तहसीलदार म्हणतात, आणखी रिपोर्ट येणार आहेत..

घोडेगाव (पुणे) : आंबेगाव तालुक्यातील नारोडी येथील कंटेनमेंट झोन उठवावा, अशी मागणी ग्रामपंचायतीने तहसीलदार यांना लेखी पत्राद्वारे दोन वेळा केली. तरीही याबाबत आदेश निघत नाही. प्रशासन नागरिकांना वेठीस धरत असल्याच्या तक्रारी ग्रामस्थांनी केल्या आहेत.     

कोरोना काळात आरोग्य विभागाचे कार्यालयच बंद..कारण..

नारोडी येथे मुंबईहून आलेली व्यक्ती पहिल्यांदा कोरोनाबाधित झाली होती. दुर्दैवाने त्यांचे निधनही झाले. त्यानंतर एक 34 वर्षीय तरुणाचा कोरोना रिपोर्ट 1 जुलैला पॉझिटिव्ह आला. त्याच्या संपर्कातील 19 जणांचे स्वॅब घेण्यात आले. त्यात त्याच्या घरातील तीन व्यक्ती पॉझिटिव्ह निघाल्या. या 3 व्यक्तींच्या संपर्कातील 12 जणांचे स्वॅब घेण्यात आले. ते निगेटिव्ह आले. प्रशासनाने 1 जुलैपासून नारोडी प्रतिबंधीत क्षेत्र जाहिर केले. हे चारही जण घरी परतले. 14 दिवसांच्या कंटेनमेंट झोनही संपला. ग्रामपंचायतीने कंटेनमेंट झोन उठवावा, अशी लेखी मागणी 14 जुलै रोजी तहसीलदार व प्रांत अधिकारी यांना केली. परंतु, येथील हुलेस्थळ नं. 2 मध्ये दुसऱ्या गावातून आलेला एक 12 वर्षाचा मुलगा कोरोना पॉझिटिव्ह झाला. हे सर्व बाधित रुग्ण बरे होऊन घरी परतले. नारोडी कोरोनामुक्त झाली. परंतु, प्रशासनाने अजून कंटेनमेंट झोन उठविला नाही. गावात दुधसंस्था, भाजीपाला मॉल, इतर दुकानेही या आदेशाची वाट पाहत आहेत. 

पुण्यात नव्या निर्णयामुळे सौम्य लक्षणे असणाऱ्या रुग्णांना आणि कुटुंबांना  दिलासा

याबाबत तहसीलदार रमा जोशी यांना विचारले असता त्या म्हणाल्या की, नारोडीतील अजून चार व्यक्तींचे कोरोना रिपोर्ट येणे बाकी आहे. ग्रामपंचायतीचे माजी उपसरपंच नवनाथ हुले म्हणाले की, गावातील सर्वांचे रिपोर्ट प्राप्त झाले आहेत. कोणताही रिपोर्ट पेंडिंग नाही. गावातील आरोग्य सेवकांनीही अशीच माहिती दिली आहे.