शिरूर - संकष्टी चतुर्थीनिमीत्त, रांजणगाव गणपती (ता. शिरूर) येथील महागणपती मंदिरात विविध धार्मिक व सामाजिक उपक्रमांचे आयोजन केले होते. पावसाळी वातावरण असूनही महागणपतीच्या दर्शनासाठी भाविकांची दिवसभर मोठी गर्दी होती..संकष्टी चतुर्थीनिमीत्त, पहाटे पाच वाजता श्रींचा अभिषेक करून मंदिर भाविकांना दर्शनासाठी खूले करण्यात आले. सकाळी सामूहीक अथर्वशीर्षपठणाचा सोहळा झाला. यात शेकडो गणेशभक्त सहभागी झाले होते. प्रगतशील शेतकरी नानासाहेब दिनकरराव पाचुंदकर यांच्या वतीने महागणपती गाभाऱ्यात रंगीबेरंगी व सुगंधित फुलांची आकर्षक सजावट करण्यात आली होती..दरम्यान, दुपारी १२ वाजता श्री क्षेत्र रांजणगाव गणपती देवस्थान ट्रस्ट चे मुख्य विश्वस्त डॉ. ओमकार देव यांच्या हस्ते महापूजा करून महागणपतीला शाही वस्त्र आणि सुवर्णालंकार परिधान करण्यात आले. दर्शन रांगेतील भाविकांच्या उपस्थितीत आरती झाल्यानंतर महानैवेद्य दाखविण्यात आला..यावेळी देवस्थान ट्रस्ट चे उपाध्यक्ष संदीप दौंडकर, सचिव डॉ. तुषार पाचुंदकर, खजिनदार विजय देव, उद्योजक दत्तात्रेय पाचुंदकर, देवस्थान ट्रस्ट चे व्यवस्थापक बाळासाहेब गोऱ्हे, हिशोबनीस संतोष रणपिसे आदी उपस्थित होते. रांजणगावातील श्री महागणपती भजनी मंडळाचा भजनाचा कार्यक्रम दिवसभर चालू होता..संकष्टी चतुर्थीनिमीत्त, भाविकांसाठी उत्तम प्रकारे जलद दर्शन व्यवस्था करण्यात आल्याने गर्दी असूनही दर्शनासाठी कुठलीही गडबड झाली नाही. रांजणगाव एमआयडीसी पोलिस ठाण्याचे पोलिस निरीक्षक महादेव वाघमोडे यांच्या मार्गदर्शनाखाली चोख पोलिस बंदोबस्त ठेवण्यात आला होता. देवस्थान ट्रस्ट च्या वतीने भाविकांसाठी दिवसभर खिचडी महाप्रसादाच्या वाटपाबरोबरच शुद्ध पिण्याच्या पाण्याची व्यवस्था केली होती, अशी माहिती ओमकार देव यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
