MPSC Success Story: दोन वर्षांपूर्वी अवघ्या ५ गुणांनी हुलकावणी; तिसऱ्या प्रयत्नात धनश्रीचे एमपीएससीत यश, शेतकऱ्याच्या मुलीची राज्यकर निरीक्षक पदाला गवसणी..

-नवनाथ भेके

निरगुडसर: दोन वर्षापूर्वी अवघ्या पाच गुणाने यशाला हुलकावणी दिलेल्या धनश्रीला आई-वडिलांनी दिलेल्या खंबीर पाठबळामुळे आणि त्यांचे स्वप्न साकार करण्यासाठी मुलीनेही जिद्द सोडली नाही,रात्रंदिवस अभ्यास करत जिद्द,चिकाटी व अथक परिश्रमाच्या जोरावर यश संपादन करत आई-वडिलांचे स्वप्न साकार केले.थोरांदळे (ता.आंबेगाव) येथील शेतकरी कुटुंबातील कन्या धनश्री सुरेश टेमगिरे तिने महाराष्ट्र लोकसेवा आयोगाच्या परीक्षेत यश संपादन करत राज्यकर निरीक्षक पदाला गवसणी घातली.