पुणे - मोबाईलवर गेम खेळत असताना चेष्टा मस्करी झालेल्या वादातून एकाने मित्रावर गोळीबार केला. त्यात एकजण जखमी झाला असून, भारती विद्यापीठ पोलिसांनी एका तरुणाला अटक केली आहे..ही घटना सिंहगड कॅम्पस परिसरात जंबो बिअर शॉपीसमोरील मैदानावर बुधवारी (ता. १५) रात्री साडेनऊ वाजण्याच्या सुमारास घडली. करण भारत गजरमल (वय १९, रा. आंबेगाव) असे जखमी झालेल्या तरुणाचे नाव आहे. याबाबत करण गजरमल याने भारती विद्यापीठ पोलिस ठाण्यात फिर्याद दिली आहे. या प्रकरणी पोलिसांनी नीलेश ऊर्फ बाब्या संतोष जाधव (वय २१, रा. आंबेगाव) याला अटक केली आहे..पोलिसांनी दिलेल्या माहितीनुसार, हे दोघे मित्र मोबाईलवर गेम खेळत गप्पा मारत बसले होते. त्यावेळी त्यांच्यात चेष्टा मस्करीतून वाद झाला. तेव्हा रागाच्या भरात नीलेशने गावठी पिस्तुलातून करणवर गोळी झाडली..करणच्या खांद्याला गोळी लागल्याने तो जखमी झाला. त्याला उपचारासाठी रुग्णालयात दाखल करण्यात आले आहे. न्यायालयाने आरोपीला दोन दिवसांची पोलिस कोठडी सुनावली आहे. पुढील तपास पोलिस उपनिरीक्षक नीलेश मोकाशी करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
