Pune News : औषध वितरकाला चार कोटींचा गंडा; दुबईला निर्यातीच्या बतावणीने दोघांकडून फसवणूक

पुणे : दुबईला निर्यातीच्या बतावणीने औषधे घेऊन वितरकाची चार कोटी ४० लाख रुपयांची फसवणूक करण्यात आली. याप्रकरणी एका महिलेसह दोघांवर गुन्हा दाखल करण्यात आला..नीलेश सोनगिरा (वय ४६, रा. मुकुंदनगर) यांनी विश्रामबाग पोलिस ठाण्यात फिर्याद दिली. त्यावरून जयेश वसंत जैन (वय ४१, रा. महर्षीनगर) याच्यासह महंमदवाडीतील एका महिलेवर गुन्हा दाखल करण्यात आला आहे..सोनिगरा यांचा न्यू अमर फार्मास्युसिटकल्स नावाने औषधे विक्रीचा व्यवसाय आहे. ते पुण्यातील औषध विक्रेते, रुग्णालयांना औषधे पुरवितात. २०२४ मध्ये त्यांची एका महिलेशी ओळख झाली. महिलेचेही औषध विक्रीचे दुकान आहे..सोनिगरा तिला व्यवसायासाठी उधारीवर औषधे देत होते. तिने सोनिगरा यांची नोव्हेंबर २०२४ मध्ये जैन याच्याशी ओळख करून दिली. जैनचेही औषध विक्रीचे दुकान आहे. दुबईतील एका कंपनीच्या संचालकाशी आपली ओळख असून त्यांना मोठ्या प्रमाणावर औषधांच्या साठ्यांची आवश्यकता असल्याचे त्यांनी फिर्यादीस सांगितले. जैन हा फसवणूक करणारा नाही असे महिलेनेही सांगितल्याने सोनिगरा यांनी विश्वास ठेवला..त्यानंतर त्यांनी १३ मार्च ते ८ मे या कालावधीत ४ कोटी ४० लाख ३५ हजार ९०५ रुपये इतक्या किमतीची औषधे एका महिन्याच्या उधारीवर महिलेच्या दुकानाच्या नावाने दिली. महिलेने त्यांना ६० धनादेश दिले. त्यानंतर ती पैसे देण्यास टाळाटाळ करू लागली. बँकेत धनादेश जमा करतो असे सोनिगरा यांनी सांगताच तिने खात्यात पैसे नसल्याचे सांगत फिर्यादीशी संपर्क तोडला..Electric Shock : विजेच्या धक्क्याने मातेसह दोन चिमुकल्यांचा मृत्यू; अचलपूर तालुक्यातील चमक बुद्रूक येथील घटना.त्यानंतर महिलेने आणखी एका औषध विक्रेत्याकडून ८३ लाख ३८ हजार रुपयांची औषधे उधारीवर त्याची फसवणूक केल्याची माहिती सोनिगरा यांना मिळाली. यानंतर सोनगिरा यांनी फिर्याद दाखल केली. या प्रकरणी गुन्हे शाखेचे पोलिस निरीक्षक अरुण घोडके तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.